Dominio bZIP

En bioloxía o dominio cremalleira de leucina básica (dominio bZIP) encóntrase en moitas proteínas eucariotas que se unen ao ADN. Unha parte do dominio contén unha rexión que media propiedades de unión ao ADN específicas de secuencia e a cremalleira de leucina que se require para manter xuntas (dimerizadas) as dúas rexións de unión ao ADN. A rexión de unión ao ADN comprende varios aminoácidos básicos como a arxinina e a lisina. As proteínas que conteñen este dominio son factores de transcrición.^[1][2]

Para o algoritmo de compresión ver Bzip2

CREB, un factor de transcrición con dominio bZIP. CREB (arriba) é un factor de transcrición que pode unirse ao ADN por medio do seu dominio bZIP (abaixo) e regular así a expresión xénica.

Factores de transcrición bZIP

Os factores de transcrición bZIP encóntranse en todos os organismos. Un estudo evolutivo recente revelou que había 4 xenes bZIP no xenoma do antepasado común máis recente de todas as plantas.^[3] As interaccións entre os factores de transcrición bZIP xogan un importante papel no desenvolvemento do cancro ^[4] nos tecidos epiteliais, na síntese de hormonas esteroides polos tecidos endócrinos,^[5] nos factores que afectan ás funcións reprodutivas,^[6] e noutros fenómenos que afectan á saúde humana.

Principais proteínas que conteñen o dominio bZIP

• AP-1 fos/jun heterodímero que forma un factor de transcrición
• Jun-B (factor de transcrición)
• CREB, elemento de resposta ao AMPc de factor de transcrición
• OPAQUE2 (O2). Factor de transcrición do xene zein 22-kD que codifica unha clase de proteínas de almacenamento no endosperma dos grans de millo (Zea Mays).

Proteínas humanas que conteñen este dominio

ATF1; ATF2; ATF4; ATF5; ATF6; ATF7; BACH1; BACH2; BATF; BATF2; CREB1; CREB3; CREB3L1; CREB3L2; CREB3L3; CREB3L4; CREB5; CREBL1; CREM; E4BP4; FOSL1; FOSL2; JUN; JUNB; JUND; MAFA; MAFB; NFE2; NFE2L2; NFE2L3; SNFT; CREM

Notas

1. Ellenberger T (1994). "Getting a grip in DNA recognition: structures of the basic region leucine zipper, and the basic region helix-loop-helix DNA-binding domains.". Curr. Opin. Struct. Biol. 4 (1): 12–21. doi:10.1016/S0959-440X(94)90054-X.
2. Hurst HC (1995). "Transcription factors 1: bZIP proteins". Protein Profile 2 (2): 101–68. PMID 7780801.
3. Corrêa LGG, Riaño-Pachón DM, Schrago CG, dos Santos RV, Mueller-Roeber B, Vincentz M. (2008). Shiu, Shin-Han, ed. "The Role of bZIP Transcription Factors in Green Plant Evolution: Adaptive Features Emerging from Four Founder Genes". PLoS ONE 3 (8): e2944. PMC 2492810. PMID 18698409. doi:10.1371/journal.pone.0002944.
4. Vlahopoulos SA, Logotheti S, Mikas D, Giarika A, Gorgoulis V, Zoumpourlis V (2008). "The role of ATF-2 in oncogenesis". BioEssays 30 (4): 314–27. PMID 18348191. doi:10.1002/bies.20734.
5. Manna PR, Dyson MT, Eubank DW, Clark BJ, Lalli E, Sassone-Corsi P, Zeleznik AJ, Stocco DM (2002). "Regulation of steroidogenesis and the steroidogenic acute regulatory protein by a member of the cAMP response-element binding protein family". Mol. Endocrinol. 16 (1): 184–99. PMID 11773448. doi:10.1210/me.16.1.184.
6. Hoare S, Copland JA, Wood TG, Jeng YJ, Izban MG, Soloff MS (1999). "Identification of a GABP alpha/beta binding site involved in the induction of oxytocin receptor gene expression in human breast cells, potentiation by c-Fos/c-Jun". Endocrinology 140 (5): 2268–79. PMID 10218980. doi:10.1210/en.140.5.2268.

Véxase tamén

Ligazóns externas

• bZIP domain entry na base de datos SMART
• Factores de transcrición bZIP de plantasArquivado 20 de marzo de 2012 en Wayback Machine.