![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/66/Rosso_Fiorentino_002.jpg/640px-Rosso_Fiorentino_002.jpg&w=640&q=50)
Descendemento de Xesús
representación artística de Cristo no momento de ser retirado da cruz na que foi crucificado / From Wikipedia, the free encyclopedia
O Descendemento da Cruz ou Descendemento de Xesús é a escena, representada na arte, da retirada do corpo xa morto de Xesús da Cruz por Xosé de Arimatea e Nicodemos, relatado en Xoán 19,38-42.[1] Na arte bizantina, o tema tornouse moi popular no século IX e, no occidente, a partir do século X. O descendemento é a décimo terceira das estacións da Cruz.
![Thumb image](http://upload.wikimedia.org/wikipedia/commons/thumb/6/66/Rosso_Fiorentino_002.jpg/640px-Rosso_Fiorentino_002.jpg)
1521. Por Rosso Fiorentino, no Museo de Volterra, Italia.
Outras figuras, non mencionadas nos evanxeos canónicos e que son xeralmente incluídas nas representacións, son Xoán o Evanxelista, que aparece ás veces axudando a Virxe María (no tema coñecido como Desmaio da Virxe), como é o caso na obra de Rogier van der Weyden, e María Madalena. O Evanxeo de Xoán menciona un número indefinido de mulleres que asistirían á crucifixión de Xesús, incluíndo as chamadas "Tres Marías". Elas e outras, ademais doutros homes tampouco nomeados, xeralmente aparecen nas representacións.[2]