![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e2/M92_arp_750pix.jpg/640px-M92_arp_750pix.jpg&w=640&q=50)
Cúmulo estelar
From Wikipedia, the free encyclopedia
Os cúmulos estelares ou nubes de estrelas son grupos de moitas estrelas relativamente moi xuntas. Poden distinguirse dous tipos de cúmulos estelares: os cúmulos globulares son grupos apertados de centos ou miles de estrelas moi vellas que están gravitacionalmente unidas, mentres que os cúmulos abertos son grupos de estrelas agrupadas máis laxamente, que conteñen xeralmente menos duns poucos centos de membros, e adoitan ser estrelas moi novas. Os cúmulos abertos quedan distorsionados co tempo pola influencia gravitacional de nubes moleculares xigantes a medida que se moven a través da galaxia, pero os membros dos cúmulos continuarán movéndose en aproximadamente a mesma dirección polo espazo aínda que xa non están ligados gravitacionalmente; nese caso coñécense como asociacións estelares, ás veces denominados grupo en movemento.
![Thumb image](http://upload.wikimedia.org/wikipedia/commons/thumb/e/e2/M92_arp_750pix.jpg/640px-M92_arp_750pix.jpg)
Cúmulos de estrelas visibles a simple vista son as Pléiades, as Híades e o Cúmulo do Panal.