Cromosoma Filadelfia
From Wikipedia, the free encyclopedia
O cromosoma Filadelfia, tamén chamado translocación Filadelfia, é unha anormalidade xenética asociada á leucemia mieloide crónica (LMC). Esta anormalidade afecta aos cromosomas 9 e 22.
![Thumb image](http://upload.wikimedia.org/wikipedia/commons/d/dc/Bcrablmet.jpg)
![Thumb image](http://upload.wikimedia.org/wikipedia/commons/thumb/4/4d/Philadelphia_Chromosom.svg/320px-Philadelphia_Chromosom.svg.png)
O 95% dos doentes de leucemia mieloide crónica presentan esta anormalidade, mentres que o resto dos doentes padecen translocacións crípticas invisibles nas preparacións por medio de bandeado G ou ben teñen outras translocacións que afectan a outro ou outros cromosomas. Tamén se encontran casos de cromosoma Filadelfia en pacientes de leucemia linfoblástica aguda (do 25 ao 30% en adultos e do 2 ao 10% en nenos),[1] e ocasionalmente, en casos de leucemia mielocítica aguda (LMA).