![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3d/October_2023_Gaza%25E2%2588%2592Israel_conflict.svg/langgl-640px-October_2023_Gaza%25E2%2588%2592Israel_conflict.svg.png&w=640&q=50)
Conflito israelí-palestino de 2023
conflito armado na Franxa de Gaza que comezou en outubro de 2023 / From Wikipedia, the free encyclopedia
O 7 de outubro de 2023[1] estalou un conflito armado israelí-palestino entre grupos militantes palestinos[2] liderados por Hamas e as forzas militares israelís. O conflito comezou cun ataque de Hamas ao sur de Israel,[3] ao cal as forzas militares israelís responderon con amplos ataques na Franxa de Gaza de Palestina[4] e cunha invasión de Gaza.[5] A finais de outubro, máis de 1.500 israelís[6] e máis de 8.000 palestinos foron asasinados, incluíndo máis de 3.000 nenos, ao tempo que uns 230 israelís e estranxeiros seguían en cativeiro ou tomados como reféns por Hamas.[7]
![]() | Este artigo ou sección refírese a un tema de actualidade. A información fornecida aquí pode cambiar en calquera momento segundo avanza o evento, e os informes iniciais poden ser pouco fiables. Por favor, non achegues datos especulativos e lembra incluír referencias e citar as fontes. |
![](http://upload.wikimedia.org/wikipedia/commons/thumb/3/3d/October_2023_Gaza%E2%88%92Israel_conflict.svg/640px-October_2023_Gaza%E2%88%92Israel_conflict.svg.png)
O ataque de Hamas comezou na maña do 7 de outubro cun lanzamento de máis de 5.000 foguetes dende a Franxa de Gaza contra Israel,[8] mentres uns 3.000 militantes palestinos atravesaron a barreira entre Gaza e Israel, asesinando civís en máis dunha ducia de masacres e incendiando as súas vivendas, así como atacando as bases militares das Forzas de Defensa de Israel preto da Franxa de Gaza.[9] Cando menos uns 44 países, a maioría deles occidentais, cualificaron a incursión sorpresa como un ataque terrorista.[10] Hamas declarou que o seu ataque era unha resposta á "profanación da Mesquita de Al-Aqsa", o bloqueo da Franxa de Gaza, os asentamentos israelís e a violencia dos colonos israelís.[11][12][13]
A actual guerra, a máis violenta dende a guerra do Yom Kippur, é a quinta guerra na Franxa de Gaza, e forma parte do conflito israelí-palestino.[14] En 2023, antes do comezo da ofensiva, un aumento na violencia entre israelís e palestinos causou a morte de cando menos 247 palestinos, 32 israelís e dous estranxeiros.[15][16][17]