Condado de Võru

O Condado de Võru ou Võrumaa (estoniano Võru maakond ou Võrumaa), é un dos quince condados (maakond) de Estonia.

Condado de Võru

Võrumaa (et)
Bandeira
Localización
57°45′N 26°55′L
País	Estonia
Capital	Võru
Poboación
Poboación	34.049 (2024) (12,28 hab./km²)
Lingua usada	Lingua võro
Xeografía
Superficie	2.773,14 km²
Punto máis alto	Suur Munamägi (317,4 m)
Comparte fronteira con	Condado de Põlva Concello de Smiltene Distrito de Pechorsky Condado de Valga Concello de Alūksne
Identificador descritivo
Fuso horario	UTC+02:00
ISO 3166-2	EE-87
Outro
Irmandado con	Halsua (1989–) Veteli (1989–) Ullava (mul) (1989–) Vehmaa (1990–) Nilsiä (mul) (1990–) Kaavi (1990–) Rautavaara (1990–)

Xeografía

Suur Munamägi, con 318 m de altitude, é o punto máis alto de Estonia

O condado de Võru atópase no sueste da república de Estonia, fai fronteira cos condados de Valga e Põlva, alén de ser parte sueste da fronteira internacional de Estonia con Letonia e Rusia. O 2,9% do total da poboación de Estonia vive no condado de Võru. De tódolos lagos rexistrados no país, 191 deles están localizados no condado (ese número só é superado polo veciño condado de Valga). O lago Rõuge Suurjärv (o maior lago do municipio rural de Rõuge) é o lago máis profundo de Estonia (38 metros). O condado de Võru é a fonte hidrográfica para os ríos que seguen en dirección aos lagos Peipus e Pihkva, ao Golfo de Riga e ao lago Võrtsjärv. Deses ríos, o Piusa é o que presenta a maior amplitude de Estonia (208 metros). O río máis longo de Estonia, o Võhandu (162 km), tamén pasa polo condado. O condado de Võru está todo localizado no planalto de Haanja. Hai 19 montañas con alturas por riba de 280 metros, incluíndo o punto máis alto de Estonia e de toda a rexión Báltica, o Suur Munamägi, a pesar de ter só unha altura de 318 metros por riba do nivel medio do mar.

Goberno rexional

O goberno do condado (en estoniano Maakonnavalitsus) é dirixido por un gobernador ou maavanem, que é nomeado polo goberno de Estonia por un período de cinco anos.

Subdivisión administrativa

Concellos do condado de Võru

O condado divídese en 13 concellos: un urbano (en estoniano linn; outra cidade, Antsla, é parte dun concello rural) e 12 municipios rurais (en estoniano vald).

Concellos urbanos

• Võru

Concellos rurais

• Antsla
• Haanja
• Lasva
• Meremäe
• Misso
• Mõniste
• Rõuge
• Sõmerpalu
• Urvaste
• Varstu
• Vastseliina
• Võru

Véxase tamén

Outros artigos

• Lingua võro

Ligazóns externas

• Võrumaa