![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0c/Plate_XIII_-_Report_on_certain_Hydroid%252C_Alcyonarian%252C_and_Madreporarian_Corals_procured_during_the_Voyage_of_H.M.S_-ext2.png/640px-Plate_XIII_-_Report_on_certain_Hydroid%252C_Alcyonarian%252C_and_Madreporarian_Corals_procured_during_the_Voyage_of_H.M.S_-ext2.png&w=640&q=50)
Cenósteo
From Wikipedia, the free encyclopedia
Nos hidrozoos, denomínase cenósteo ao esqueleto calcario dos hidrocorais da familias dos milepóridos, que presenta perforacións superficiais de dous tamaños diferentes para o asentamento dos gastrozoides e os dactilozoides, e perforacións profundas (canais) para a comunicación entre os diferentes pólipos da colonia.[1]
![Thumb image](http://upload.wikimedia.org/wikipedia/commons/thumb/0/0c/Plate_XIII_-_Report_on_certain_Hydroid%2C_Alcyonarian%2C_and_Madreporarian_Corals_procured_during_the_Voyage_of_H.M.S_-ext2.png/320px-Plate_XIII_-_Report_on_certain_Hydroid%2C_Alcyonarian%2C_and_Madreporarian_Corals_procured_during_the_Voyage_of_H.M.S_-ext2.png)
Trátase dun material esquelético pétreo segregado polo cenosarco, a capa de material vivo que se encontra entre os coralitos (as copas pétreas coas que o pólipo se sustenta).
O cenósteo está composto de aragonita, unha das formas cristalinas alotrópicas do carbonato cálcico, e xeralmente é un material esponxoso e poroso. Ás veces, o cenosteo presenta ornamentacións, como cristas e bólas, visíbles como áreas elevadas do cenosarco. O conxunto do cenósteo e os coralitos coñécese como corallum.[2][3][4]