From Wikipedia, the free encyclopedia
Cuatro Torres Business Area (CTBA) é un parque empresarial de Madrid, formado fundamentalmente por catro rañaceos e o espazo comprendido por eles. Está situado no distrito de Fuencarral-El Pardo.
_39.jpg)
O parque empresarial sitúase ao norte da cidade de Madrid, no inicio do Paseo de la Castellana (a arteria norte-sur da cidade), no lugar da antiga Cidade Deportiva do Real Madrid. O parque empresarial está composto por catro rañaceos que son os edificios máis altos de Madrid e de España. Os catro edificios son a Torre Foster, Torre PwC, a Torre de Cristal e a Torre Espacio. O primeiro é o máis elevado de todos eles, pois chega aos 250 metros de altura.
A Torre PwC acolle, entre outras empresas, un hotel. A parte superior da Torre de Cristal é un xardín. Cada torre ten varios andares de garaxe soterrados, e tamén un acceso soterrado para vehículos, que os conecta coa cidade. Xunto coas catro torres e dentro do recinto do parque empresarial localizarase o Centro Internacional de Convenciones de Madrid. Este edificio disporá de 70.000 m² de salas para conferencias e un auditorio principal con capacidade para 3.500 persoas. A construción deste edificio foille outorgada aos arquitectos Emilio Tuñón e Luis Mansilla.
A construción dos catro edificios comezou en 2004 e foron rematados entre o final de 2007 e comezos de 2008.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
