O modelo de cor CMYK é un modelo de cores subtractivo baseado no modelo de cor RYB, é utilizado na impresión. A abreviatura CMYK fai referencia ás catro placas de tinta utilizadas: ciano (Cyan), maxenta (Magenta), amarelo (Yellow) e clave (Key) ou negro.
O modelo CMYK funciona superpoñendo cores sobre un fondo máis claro, xeralmente branco. A tinta reduce a luz que doutro xeito se reflectiría, polo tanto, engadindo as tres cores obtemos a ausencia de luz, é dicir, o negro.
Nos modelos de cor aditiva, como o RGB, o negro obteríase coa ausencia de luz mentres que o branco é a combinación aditiva de todas as luces de cor primaria. No modelo CMY, é o contrario: o branco é a cor natural do fondo, e o negro o resultado da combinación completa de tintas coloreadas. Para aforrar custos de tinta e obter tons de negro máis intensos, as cores escuras prodúcense engadindo tinta negra xunto coas tintas ciano, maxenta e amarelo.
En impresión utilízase a técnica do medio ton para superpoñer tramas de puntos de cada cor primaria que permiten obter unha ampla gama de cores.
Véxase tamén
Outros artigos
- Lista de cores
- RGB
- RYB
- Modelo de cor
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
