![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cd/20110725_Budha_eyes_closeup_Bodhnath_Stupa_Kathmandu_Nepal.jpg/640px-20110725_Budha_eyes_closeup_Bodhnath_Stupa_Kathmandu_Nepal.jpg&w=640&q=50)
Boudhanath
From Wikipedia, the free encyclopedia
Boudhanath (en devanágari: बौद्धनाथ), tamén chamado Boudha, Bouddhanath ou Baudhanath ou o Khāsa Caitya, é un dos lugares máis sagrados do budismo en Katmandú, Nepal. É coñecido como Khāsti en lingua newari, Jyarung Khasyor en lingua tamang ou como Bauddha polos modernos falantes de nepalés.[1] Está situado a 11 km do centro, na periferia ao noroeste de Katmandú. Trátase dunha das estupas esféricas máis grandes do Nepal, representando o mandala.[2]
Boudhanath | |
---|---|
![]() Estupa de Boudhanath | |
Patrimonio da Humanidade - UNESCO | |
País | ![]() |
Localización | 27°43′17″N 85°21′43″L |
Tipo | Cultural |
Criterios | (iii, iv, vi) |
Inscrición | 1979 |
Rexión da UNESCO | Asia e Oceanía |
Identificador | 121 |
A estupa budista de Boudhanath domina o horizonte. A antiga estupa é unha das maiores do mundo. A afluencia de grandes poboacións de refuxiados do Tíbet propiciou a construción de 50 gompas tibetanas (mosteiros) arredor do Boudhanath. Dende 1979, o Boudhanath é Patrimonio da Humanidade da UNESCO. Xunto co Swayambhunath, é un dos lugares máis populares para os turistas na área de Katmandú.