Borås

Borås é unha cidade que se atopa no país escandinavo de Suecia. Foi recoñecida como cidade en 1621.

Borås

Localización
57°43′02″N 12°56′45″L
Estado	Suecia
Condado	condado de Västra Götaland
Municipios	Borås (municipio)
Capital de	Borås (municipio)
Poboación
Poboación	74.042 (2020) (2.513,31 hab./km²)
Xeografía
Superficie	2.946 ha
Altitude	143 m-143 m
Creación	1621
Identificador descritivo
Código postal	50110–50899
Fuso horario	UTC+01:00, horario estándar UTC+02:00, horario de verán
Prefixo telefónico	033
Outro
Irmandado con	sen valor
Páxina web	boras.com…

Tivo un importante desenvolvemento na súa industria téxtil a finais do século XIX e comezos do século XX, e sede de importantes firmas comerciais de vendas por catálogo (mail order). O carácter comercial da súa historia naceu cos comerciantes ambulantes, chamados knalle ou knallarna, que percorrían a rexión no século XVI, vendendo os seus produtos.

Actualmente segue mantendo a súa calidade de situación xeográfica estratéxica ao ser un punto central entre as cidades de Gotemburgo, Jönköping e tamén da veciña Noruega; sendo sede de importantes centros comerciais e industriais, e de puntos turísticos e culturais.

É tamén unha cidade universitaria, xa que a Högskolan i Borås (Escola Superior de Borås) acolle distintas titulacións superiores, repartidas entre dous centros: a Textilhögskolan (Escola Superior de Estudos téxtiles) e a Bibliotekshögskolan (Escola de Biblioteconomía).^[1] En 2017 a universidade contaba con 11 000 estudantes e 730 traballadores aproximadamente.^[2]

Integrados neste campus destacan o Museo Téxtil e o Textile Fashion Center.^[3]

Datos xeográficos

A finais de 2017 tiña unha poboación de 111 026 habitantes, cunha idade media de 40.6 anos.^[4] Abarca unha superficie total de 29.61 km cadrados.

Distritos

Subdistrito municipal de Göta

• Göta
• Kristineberg
• Dammsvedjan
• Hedvigsborg

Subdistrito municipal de Sjöbo

• Sjöbo
• Erikslund

Subdistrito municipal de Brämhult

• Brämhult
• Trandared
• Hulta
• Hässleholmen

Subdistrito municipal de Norrby

• Norrby
• Byttorp
• Tullen
• Hestra

Subdistrito municipal de Centrum (centro)

• Centrum
• Villastaden
• Norrmalm

Subdistrito municipal de Sandhult

• Sandared
• Sandhult
• Sjömarken

Vida cultural

Un dos eventos culturais máis importantes é a edición anual de No Limit, un certame de arte de rúa que congrega numerosos artistas que realizan murais, instalacións e esculturas por toda a cidade, convertendo desta maneira o espazo público nunha sala de exposición aberta. A primeira edición tivo lugar en setembro de 2014. Este certame ten alcanzado moita proxección tanto a nivel nacional como internacional.^[5]

Galería de imaxes

• 
  Parque da cidade.
• 
  A vella torre de auga.
• 
  Praza Krokshall coa Igrexa Caroli.

Notas

1. "Sitio web da universidade" (en sueco e inglés). Consultado o 13 marzo 2018.
2. "About the University of Borås". Sitio web da universidade (en sueco e inglés). Consultado o 23 marzo 2018.
3. "Sitio web do Textile Fashion Center" (en sueco e inglés). Consultado o 23 marzo 2018.
4. "Population in the country, counties and municipalities on 31/12/2017 and Population Change in 2017". SCB (Statistics Sweden) (en sueco e inglés). Arquivado dende o orixinal o 08/03/2018. Consultado o 23 marzo 2018.
5. No Limit: Street Art Boras, Sweden 3-10th of September 2017 Arquivado 21 de setembro de 2017 en Wayback Machine. [plano]

Véxase tamén

Commons ten máis contidos multimedia sobre:  Borås

Ligazóns externas

• Páxina web oficial da cidade