From Wikipedia, the free encyclopedia
Bolinhos de bacalhau ou pastéis de bacalhau son unha especialidade da gastronomía portuguesa e son tamén moi populares na Angola e no Brasil.
No centro e sur de Portugal son coñecidos por pastéis de bacalhau e, no norte, por bolinhos de bacalhau.
Os pastéis de bacalhau foron uns dos pratos finalistas ás 7 Marabillas da Gastronomía portuguesa.
A primeira receita oficial do bolinho de bacalhau data de 1904, nun libro chamado Tratado de Cozinha e Copa, de Carlos Bandeira de Melo, un oficial do exército portugués que empregaba o pseudónimo Carlos Bento da Maia. A obra de Carlos Melo entraría na historia como a primeira en presentar unha receita do prato.
A pesar de indicar o modo de preparación e os ingredientes, o autor omitiu a relación e proporción dos ingredientes, no entanto, a súa descrición serviu como base para as variacións da receita existentes até os nosos días.
No Brasil tamén se pode atopar unha variante que, a pesar de ter o nome de "pastel de bacalhau", similar ao nome empregado en parte de Portugal e nos PALOP para o bolinho de bacalhau, é lixeiramente distinto, referíndose a un pastel, alimento típico brasileiro semellante á empanada latinoamericana que consiste nunha masa rechea con algún ingrediente e fritida; neste caso específico, recibe o reencho de bacalhau. Este tipo de pastel tivo a súa orixe nunha receita de emigrantes portugueses que se estableceron en São Paulo e lanzaron esa iguaria no Hocca Bar, localizado no Mercado Municipal de São Paulo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
