![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Mikrofoto.de-Blepharisma_japonicum_15.jpg/640px-Mikrofoto.de-Blepharisma_japonicum_15.jpg&w=640&q=50)
Blepharisma
From Wikipedia, the free encyclopedia
Blepharisma é un xénero de protistas unicelulares ciliados que viven en augas doces e salgadas. O xénero inclúe unhas 40 especies aceptadas, e moitas subvariedades e cepas. Aínda que as especies varían entre elas considerablemente en tamaño e forma, a maioría son doadamente identificables pola súa cor vermella ou rosa, que está causada polos gránulos do pigmento blefarismina.[1]
Blepharisma | |||||||||||||||
---|---|---|---|---|---|---|---|---|---|---|---|---|---|---|---|
![]() Blepharisma japonicum | |||||||||||||||
Clasificación científica | |||||||||||||||
|
Todos os membros do xénero posúen unha longa serie de membranelas no lado esquerdo da súa fenda oral, e unha "membrana ondulante" (que se parece a unha solapa, bufanda ou pequena vela, composta de longos cilios fusionados formando unha soa lámina) situada no lado dereito do seu peristoma, cara á parte posterior.[2]
Certas especies de Blepharisma serviron como organismos modelo para a investigación científica. Tamén se utilizan en moitas escolas nas clases de laboratorio.