![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/SodiumBicarbonate.svg/langgl-640px-SodiumBicarbonate.svg.png&w=640&q=50)
Bicarbonato de sodio
composto químico / From Wikipedia, the free encyclopedia
O bicarbonato de sodio (tamén chamado bicarbonato sódico, hidroxenocarbonato de sodio ou carbonato ácido de sodio) é un composto sólido cristalino de cor branca moi solúbel en auga, cun lixeiro sabor alcalino parecido ao do carbonato de sodio, de fórmula NaHCO3.
![Thumb image](http://upload.wikimedia.org/wikipedia/commons/thumb/2/22/SodiumBicarbonate.svg/250px-SodiumBicarbonate.svg.png)
![Thumb image](http://upload.wikimedia.org/wikipedia/commons/thumb/8/81/Sodium_bicarbonate.jpg/640px-Sodium_bicarbonate.jpg)
Pódese encontrar como mineral na natureza ou producirse artificialmente.[1]
Cando se expón a un ácido moderadamente forte descomponse en dióxido de carbono e auga. A reacción é a seguinte:
- NaHCO3 + HCl → NaCl + H2O + CO2 (gas)
- NaHCO3 + CH3COOH → CH3COONa + H2O + CO2 (gas)
Debido á capacidade do bicarbonato de sodio de liberar dióxido de carbono úsase, canda outros compostos acídicos, como aditivo levadante en panadaría e na produción de gasosas. Algúns lévedos para a fabricación do pan conteñen bicarbonato de sodio. Antigamente usábase como fonte de dióxido de carbono para a bebida gasosa Coca Cola.
É o compoñente fundamental dos pos extintores de incendios.