Belén Outeiriño

María Belén Outeiriño Rodríguez, nada en Ourense en 1953, é unha política galega.

Belén Outeiriño

Biografía
Nacemento	1953 (70/71 anos) Ourense, España
Alcaldesa de Petín
15 de febreiro de 1980 – 1983 ← Casiano Rodicio Quevedo
Actividade
Ocupación	política
Familia
Irmáns	Maribel Outeiriño

Traxectoria

Placa en homenaxe á alcaldesa Ana Belén Outeiriño (sic) na Portela de Portomourisco.

Filla de Alejandro Outeiriño Rodríguez e Rocío Rodríguez Fernández. Estudou o bacharelato en Ourense. Instalouse en Petín a mediados da década dos setenta. Nas primeiras eleccións demócraticas presentouse como número tres na candidatura da UCD ao concello de Petín. Foi elixida concelleira e tenente de alcalde e concelleira de Cultura. Logo da dimisión do alcalde Casiano Rodicio Quevedo en xaneiro de 1980 e da renuncia do número dous Emilio Vázquez Díaz,^[1] foi elixida alcaldesa de Petín o 15 de febreiro.^[2]

Nas eleccións municipais de 1983 encabezou a candidatura de Coalición Galega que obtivo dous concelleiros,^[3] e non puido revalidar a alcaldía a pesar do apoio dos dous concelleiros do PSdeG-PSOE, ao absterse o único concellleiro do PSG-EG.^[4] En xaneiro de 1985 dimitiu como concelleira.^[5] Nas eleccións autonómicas de 1985 foi a número tres da candidatura do CDS por Ourense,^[6] pero non resultou elixida. Foi candidata ao Senado polo CDS nas eleccións xerais de 1986.^[7]

Vida persoal

Casou en 1970 con León Meana Jiménez, técnico electrónico de Saltos del Sil.^[8] É irmá de Maribel e José Luís Outeiriño Rodríguez, presidente de La Región.

Notas

1. La Voz de Galicia, Ourense, 25-1-1980, p. 27.
2. La Voz de Galicia, Ourense, 17-2-1980, p. 31.
3. La Voz de Galicia, Ourense, 15-5-1983, p. 31.
4. La Voz de Galicia, Ourense, 24-5-1983, p. 28.
5. "Belen Outeiriño deja la política por razones familiares y profesionales", La Voz de Galicia, Ourense, 15-1-1985, p. 30.
6. La Voz de Galicia, Ourense, 15-10-1985, p. 19.
7. La Voz de Galicia, Ourense, 13-5-1986, p. 23.
8. La Región, 11-9-1970, p. 7.

Véxase tamén

Outros artigos

• Eleccións municipais en Petín

Ligazóns externas

• María Belén Outeiriño Rodríguez

Predecesor: Casiano Rodicio Quevedo

Alcaldesa de Petín  1980 - 1983

Sucesor: Agenor Antonio López Siso