Arena das Dunas

O Arena das Dunas é un estadio multiuso localizado na cidade de Natal, no estado brasileiro do Río Grande do Norte. Alén de partidos de fútbol, o complexo ten a capacidade de aloxar eventos de gran porte, exposicións e feiras e mercados. A estrutura foi inaugurada o 22 de xaneiro de 2014,^[1] despois de 29 meses de obras, no lugar do Estádio João Machado.^[2] O recinto é xestionado polo grupo OAS Arenas, sendo copropietario o Goberno do Estado de Río Grande do Norte.

Arena das Dunas
Datos
Coordenadas	5°49′37″S 35°12′44″O
Localización	Natal, RN Brasil
Construción
Construción	2011 - 2014
Inauguración	22 de xaneiro de 2014
Arquitecto	Populous
Custo	R$ 423 millóns
Estadio
Superficie	Herba
Dimensións	105 × 68
Capacidade	42.086
Asist. máxima	19.449 (30/4 de 2014) América-RN - Globo FC
Propietario	OAS Engenharia Goberno de RN
Localía	América Futebol Clube ABC Futebol Clube
Web	http://www.arenadunas.com.br
Eventos
• Mundial de Fútbol Brasil 2014
[ editar datos en Wikidata ]

Localizado no barrio de Lagoa Nova, entre a BR-101 e a Avenida Prudente de Morais, dúas importantes arterias viarias da cidade, o estadio foi posible grazas a unha colaboración público-privada entre a OAS Engenharia e o goberno do estado, sendo a súa principal finalidade a de sustentar a candidatura da capital para a Copa do Mundo FIFA de 2014, na que albergou catro partidos. Proxectada para ter uso variado, o complexo ten capacidade para 31.375 espectadores, aínda que durante a Copa do Mundo colocáronse bancadas provisionais que ampliaron a capacidade até os 42.086 asentos.

A arquitectura do estadio, inspirada nas dunas do Río Grande do Norte, foi proxectada pola empresa estadounidense Populous.^[3]

Notas

1. Com presença de Dilma, Arena das Dunas é inaugurada
2. "Arena das Dunas". Arquivado dende o orixinal o 31 de maio de 2014. Consultado o 28 de maio de 2014.
3. Arena das Dunas é destaque no site da empresa criadora do seu projeto