![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fb/2009-03_Kathmandu_10.jpg/640px-2009-03_Kathmandu_10.jpg&w=640&q=50)
Aeroporto internacional Tribhuvan
From Wikipedia, the free encyclopedia
O aeroporto internacional Tribhuvan (IATA: KTM, OACI: VNKT) é un aeroporto en Katmandú, Nepal. Está situado a uns 6 quilómetros do centro da cidade, no val de Katmandú. É o único aeroporto internacional do país, aínda que o aeroporto de Nijgadh foi proposto como o segundo. En 1949 comezou a servir como aeródromo e foi inaugurado no ano 1955 polo rei Mahendra. Recibiu o seu nome actual en 1964. Orixinalmente era unha pista de herba e en 1957 pasou a ser de formigón sendo ampliada varias veces. O primeiro reactor aterrou en Tribhuvan en 1967 e as operacións regulares con este tipo de avións comezaron en 1972.
Aeroporto internacional Tribhuvan त्रिभुवन अन्तर्राष्ट्रिय विमानस्थल | |||
---|---|---|---|
Sumario | |||
Tipo | público | ||
Operador | Autoridade de Avión Civil do Nepal | ||
Cidade/Illa | Katmandú | ||
Elevación (msnm) | 1 338 metros / 4 390 pés | ||
Coordenadas | |||
Web | http://www.tiairport.com.np/ | ||
Pista(s) | |||
Dirección | Longo | Superficie | |
metros | pés | ||
02/20 | 3 050 | 10 007 | formigón |
Estatísticas (2015) | |||
Pasaxeiros | 3 210 000[1] | ||
O aeroporto ten unha terminal doméstica e outra internacional. No ano 2015 pasaron polas súas instalacións 3,21 millóns de pasaxeiros.[1] En 2018 preto de 40 aeroliñas internacionais operaban en Tribhuvan con voos cara Asia e Oriente Medio. O aeroporto serve de centro de conexións para varias aeroliñas do país.