Aeroporto de Phoenix-Sky Harbor
From Wikipedia, the free encyclopedia
O aeroporto internacional de Phoenix-Sky Harbor (IATA: PHX, OACI: KPHX) é un aeroporto civil e militar estadounidense situado a 5 quilómetros do centro de Phoenix, no condado de Maricopa, Arizona. É o aeroporto máis grande e concorrido de Arizona, e está entre os máis grandes dos Estados Unidos. No ano 2017 o aeroporto foi usado por 43 921 670 pasaxeiros,[1] sendo o 34º aeroporto máis concorrido do mundo. Diariamente manexa máis de 1 200 operacións, 110 000 pasaxeiros e 800 toneladas de carga.
Aeroporto de Phoenix-Sky Harbor Phoenix Sky Harbor International Airport | |||
---|---|---|---|
Sumario | |||
Tipo | público | ||
Propietario | Cidade de Phoenix | ||
Operador | Phoenix Airport System | ||
Cidade/Illa | Phoenix | ||
Elevación (msnm) | 346 metros / 1 135 pés | ||
Coordenadas | |||
Web | https://www.skyharbor.com/ | ||
Pista(s) | |||
Dirección | Longo | Superficie | |
metros | pés | ||
8/26 | 3 502 | 11 489 | formigón |
7L/25R | 3 139 | 10 300 | formigón |
7R/25L | 2 377 | 7 800 | formigón |
Estatísticas (2017) | |||
Pasaxeiros | 43 921 670[1] | ||
O aeroporto serve como sexto centro de conexións máis grande para American Airlines con case 300 saídas diarias a 91 destinos en 4 países.[2] En outubro de 2016 American transportaba ao redor do 48% de todos os pasaxeiros que voaban a través de Phoenix, empregando a preto de 10 000 persoas e sendo a aeroliñas con maior presenza no aeroporto.[2][3] Sky Harbor tamén serve como unha das principais cidades focais para Southwest Airlines, con case 180 saídas diarias a 50 cidades dos Estados Unidos.[4]