Aeroporto Internacional de Pequín-Capital
From Wikipedia, the free encyclopedia
O Aeroporto Internacional de Pequín-Capital (IATA: PEK, ICAO: ZBAA) é o principal aeroporto internacional que serve a Pequín. Está situado a 32 km ao nordés do centro da cidade, nun enclave do distrito de Chaoyang rodeado polo distrito de Shunyi. O aeroporto pertence á Beijing Capital International Airport Company Limited, unha compañía controlada polo estado que tamén se encarga de operalo.
Aeroporto Internacional de Pequín-Capital 北京首都国际机场 | |||
---|---|---|---|
Sumario | |||
Tipo | público | ||
Operador | Beijing Capital International Airport Company Limited | ||
Cidade/Illa | Pequín | ||
Elevación (msnm) | 35 metros / 116 pés | ||
Coordenadas | |||
Web | http://en.bcia.com.cn/ | ||
Pista(s) | |||
Dirección | Longo | Superficie | |
metros | pés | ||
18L/36R | 3 810 | 12 500 | asfalto |
18R/36L | 3 445 | 11 302 | asfalto |
01/19 | 3 810 | 12 500 | cemento |
Estatísticas (2016) | |||
Pasaxeiros | 94 393 000 | ||
Movemento de avións | 606 086 | ||
O aeroporto é o principal centro de conexións de Air China, a aeroliña nacional do país, que voa a uns 120 destinos (sen contar os de carga), dende Pequín. China Eastern Airlines, Hainan Airlines e China Southern Airlines tamén usan o aeroporto como centro de conexións.
Pequín-Capital inaugurou a súa Terminal 3 en 2008, xusto a tempo para os Xogos Olímpicos de 2008, converténdose na segunda terminal máis grande do mundo tras a terminal 3 do Aeroporto Internacional de Dubai e no sexto edificio máis grande en superficie. O Aeroporto Internacional de Pequín-Capital cobre unha área de 1 480 hectáreas de terra.
Pequín-Capital ascendeu rapidamente nos ránkings de aeroportos máis concorridos do mundo na pasada década. En 2009 converteuse no aeroporto con máis número de pasaxeiros e de movementos de avións de Asia. Vén sendo o segundo aeroporto máis concorrido do mundo en tráfico de pasaxeiros dende o ano 2010. En 2012 rexistrou 557 167 movementos de avións, chegando ao sexto posto mundial.[1] En termos de carga o aeroporto de Pequín-Capital tamén conseguiu un rápido crecemento. No ano 2012 converteuse no 13º máis concorrido do mundo en tráfico de mercadorías, rexistrando 1 787 027 toneladas.[1]