Acrocefálidos
From Wikipedia, the free encyclopedia
From Wikipedia, the free encyclopedia
A dos acrocefálidos (Acrocephalidae) é unha familia de aves da orde dos paseriformes,[1] suborde dos páseros, infraorde dos paséridos e da superfamilia dos silvioideos.
| Acrocefálidos Acrocephalidae | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Acrocephalus arundinaceus | |||||||||||||||||
| Clasificación científica | |||||||||||||||||
| |||||||||||||||||
| Xéneros | |||||||||||||||||
| |||||||||||||||||
,_Le_Petit_Loc'h,_Guidel,_Brittany,_France_(19972894766)_(cropped).jpg)
A familia está integrada por 5 xéneros que agrupan unhas 60 especies coñecidas vulgarmente como folosas,[2] que antigamente estaban incluídas na familia dos sílvidos.
As especies desta familia adoitan seren paxaros bastante grandes, a maioría de cor parda olivácea nas partes superiores, mentres que a das partes inferiores varían da amarela á abrancazada.
Adoitan encontrarse en bosques abertos, xunqueiras e campos con herbas altas.
Os membros da familia están presentes no Vello Mundo, principalmente na Eurasia meridional e occidental e nas súas proximidades (ten algúns representantes en África), aínda que outros tamén se estenden até Oceanía.
A familia foi descrita en 1882 polo ornitólogo e herpetólogo británico Osbert Salvin.
O nome científico Acrocephalidae está formado sobre a base da raíz do nome do seu xénero tipo, Acrocephalus, coa adición da desinencia do latín científico -ideae, tirada da foma do grego antigo -ειδής, -eidḗs, da raíz de εἶδος, eĩdos "forma", "aspecto", "aparencia", usada para a formación dos nomes das familias de animais.
Pola súa parte, o nome Acrocephalus está formado polos elementos do latín científico acro- e -cephalus, derivados dos termos do grego antigo ἄκρος ákros, "agudo", "acabado en punta", "extremo", "punta", e κεφαλή cephalḗ, "cabeza", respectivamente.
Segundo o ITIS, na actualidade recoñécense na familia os 5 xéneros seguintes:[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
