Abando
From Wikipedia, the free encyclopedia
Abando (tamén coñecido como San Vicente de Abando) é un distrito da cidade de Bilbao, capital da provincia vasca de Biscaia. Divídese nos barrios de Abando e Indautxu.
| ||||
| Localización | ||||
|---|---|---|---|---|
| ||||
| Estado | España | |||
| Comunidade autónoma | País Vasco | |||
| Provincia | Biscaia | |||
| Comarcas | Gran Bilbao | |||
| Concello | Bilbao  | |||
| Xeografía | ||||
| Superficie | 2,14 km² | |||
.jpg?lang=gl)
Foi un antigo elizate e municipio da provincia de Biscaia, tiña o asento e voto 34 nas Xuntas Xerais de Biscaia.
En 1300 fundouse Bilbao en parte dos terreos dos elizates de Begoña e de Abando, que perdeu o barrio de Bilbao a Vella, pero conservou a maior parte da súa extensión, ata o século XIX.
No século XVIII, Abando era o elizate con maior poboación de Biscaia (351 fogueiras e 2 100 persoas de comuñón, segundo a Historia General de Vizcaya, escrita en 1793 por Juan Ramón de Iturriza y Zabala). Esta poboación repartíase en casaríos dispersos dedicados á agricultura e gandería. Os únicos núcleos de poboación densa atopábanse nas proximidades de Bilbao a Vella, o convento imperial de San Francisco e os estaleiros situados ao bordo da Ría. Constaba das barriadas de Bilbao a Vella, Ibarra, Mena-Urizar-Larrasquitu, Elejabarri, Olabeaga, Zorrotza e Ibaizabal.
A falta de espazo para a expansión da crecente capital biscaíña propiciou que en 1870 unha parte de Abando fose anexionada por Bilbao. O gran ensanche de Bilbao realizouse a partir de 1876 en terreos de Abando, polo que o actual centro da cidade de Bilbao aséntase no que antigamente foi terreo de Abando. A anexión do resto de Abando produciuse en 1890.
Os distritos bilbaínos 6, 7 e 8, Abando, Errekalde e Basurtu-Zorrotza respectivamente, aséntanse sobre o que era antigamente o municipio de Abando.
O máis famoso aldeán do antigo Abando foi Sabino Arana, fundador do Partido Nacionalista Vasco e pai do nacionalismo vasco, que naceu neste elizate cando aínda era un municipio independente e viviu o cambio que supuxo a anexión e a expansión de Bilbao.
Outros artigos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
