Zaragoza (provincia)

'S e provincia na Spàinne a tha ann an Zaragoza (IPA: θaɾaˈɣoθa). Tha e na laighe ann an Aragón, air an àirde an ear-thuath na dùthcha. 'S e Zaragoza a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.^[1] B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Aragòin i ann an 1978, nuair a sgrìobhadh Bun-reachd ùr.^[2] Sìnidh Zaragoza fad 17,275km²^[3] agus tha 973,325 duine a' fuireach ann.^[4] Le sin, 's e an ceathreamh roinn as motha na Spàinne a thaobh talmhainn agus an 15mh tè a thaobh àireamh-sluaigh. Tha crìochain aice le Soria, Lleida, Teruel, Nafarroa, La Rioja, Guadajara, Tarragona agus Huesca.^[5] 'S e Spàinntis a tha ga bruidhinn an seo.

Zaragoza Bratach na Roinne Gearradh-arm no Seula
Suidheachadh
Dùthaich	An Spàinn
Prìomh-bhaile	Zaragoza City (en)
Stèidhichte	1833
Feartan fiosaigeach
Farsaingeachd	17,275 km²
Àireamh-shluaigh	973,325 (2014)
Dlùths	56.34/km²
Àireamh fòn	+ (976)
Duilleag oifigeil	Riaghaltas na Roinne

Freumhan an ainm

Tha e coltach gur ann à Caesaraugusta^[6] ann an Laideann a tha an t-ainm, air sàilleabh gu robh baile air a stèidheachadh san sgìre le Octavius Augustus airson seann shaighdearan nuair a bha an sgìre fo bhuaidh nan Ròmanach.^[7] Tha fuaimneachadh an ainm air atharrachadh fad nan linntean gu Zaragoza ann an Catalanais (k → s) agus fiù 's nas fhaide na sin ann an Spàinntis (k → s → θ). Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.

Bailtean Eile

• Fuendetodos
• Zuera

Daoine Ainmeil

• Odón de Buen y del Cos (1863 - 1945)