Sevilla (provincia)

'S e provincia na Spàinne a tha ann an Sevilla (IPA: seˈβiʎa). Tha e na laighe ann an Andalusia, ann an ceann a deas na dùthcha. 'S e Sevilla a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.^[1] B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Andalusia i ann an 1978, nuair a sgrìobhadh Bun-reachd ùr.^[2] Sìnidh Sevilla fad 14,036km²^[3] agus tha 1,928,962 duine a' fuireach ann.^[4] Le sin, 's e an 12mh roinn as motha na Spàinne a thaobh talmhainn agus an còigeamh a thaobh àireimh-sluaigh. Tha crìochain aice le Badajoz, Cádiz, Córdoba, Huelva agus Málaga.^[5] 'S e Spàinntis a tha ga bruidhinn an seo.

Sevilla Bratach na Roinne Gearradh-arm no Seula
Suidheachadh
Dùthaich	An Spàinn
Prìomh-bhaile	Sevilla
Stèidhichte	1833
Feartan fiosaigeach
Farsaingeachd	14,036 km²
Àireamh-shluaigh	1,928,962 (2014)
Dlùths	137.43/km²
Àireamh fòn	+ (95)
Duilleag oifigeil	Riaghaltas na Roinne

Freumhan an ainm

Tha luchd-rannsachaidh uile dhen bheachd gur ann à Spal (Gàidhlig: àite làn) ann an Tartesianais a tha an t-ainm.^[6] Chaidh sin atharrachadh gu Hispalis ann an Laideann fo na Ròmanaich agus an uair sin gu أشبيليّة (Ishbiliya) ann an Arabais air sàilleabh nach robh P anns a’ chànan aca: ‘S e Imala a tha air a’ phròiseas sin. ‘S ann mar sin a thàinig am facal Sevilla dhuinn an ann Spàinntis an latha an-diugh.^[7] Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.