Granada

‘S e baile mòr ann an ceann a deas na Spàinne a th’ ann an Granada (IPA: ' ɡɾa'naða). Tha e suidhichte aig 658m os cionn ìre na mara,^[1] aig inbhir na h-aibhnichean Beiro, Darro agus Genil.^[2] Tha Granada 367km air falbh bho Mhadrid, prìomh-bhaile na dùthcha agus 211km bho Shevilla.^[3] Tha am baile air an àirde an ear-dheas Andalusia. Tha 237,929 daoine a’ fuireach anns a’ bhaile,^[4] an treas baile as motha ann an Andalusia agus an 19mh baile as motha na Spàinne. ^[5]

Granada


Bratach a' bhaile	Gearradh-arm no Seula

Suidheachadh

Dùthaich

An Spàinn

Ceàrn

Granada

Sgìre

Andalusia

Co-chomharran

37° 10' 41 Tuath
03° 36' 03 Ear

Feartan fiosaigeach

Farsaingeachd

88 km²

Àireamh-shluaigh

237,929 (2009)

Dlùths

2,703.74/km²

Àireamh fòn

+ 00 958

Duilleag oifigeil

http://www.granada.org

Chan eil freumh-fhaclachd an ainm soilleir. Tha e coltach gur ann à Gar-anat (Gàidhlig: Cnoc na Luchd-taistealachd) ann an Arabais a tha an t-ainm. A dh' aindeoin sin, tha cuid eile dhen bheachd gur ann à Garnatum ann an Laideann agus gu bheil sin a’ ciallachadh ruadh no gràn-ubhal:^[6] Tha gràn-ubhal air seula a' bhaile agus tha ùir ruadh pailt san sgìre.

Chuireadh ainm a’ bhaile air an roinn nuair a chaidh a stèidheachadh ann an 1833.^[7] Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936,^[8] ged a bha an corr dhen roinne dealas dhan Phoblachd.

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Granada.^[9] Cha tuit ach 365mm de dh'uisge air a' bhaile fad na bliadhna - 807mm nas lugha na Steòrnabhagh (1173mm) - leis gur e àite àrd tioram a th' annː