Bad Urach

‘S e baile ann an ceann a deas na Gearmailte a th’ ann am Bad Urach. Tha e suidhichte aig 463m os cionn ìre na mara ri taobh na h-aibhne Elms, anns na Beanntan Jura, anns an stàit Baden-Württemberg, 530km air falbh bho Bherlin, 111km bho Augsburg, 45km bho Ulm agus 36km bho Stuttgart.^[1] ‘S ann leis an sgìre Reutlingen a tha am baile agus tha 11,862^[2] duine a' fuireach ann.

Bad Urach Bratach a' bhaile Gearradh-arm no Seula
Suidheachadh
Dùthaich	A' Ghearmailt
Ceàrn	Reutlingen
Sgìre	Baden-Württemberg
Co-chomharran	48° 30' Tuath 09° 24' Ear
Feartan fiosaigeach
Farsaingeachd	55.50 km²
Àireamh-shluaigh	11,862 (2013)
Dlùths	213.73/km²
Àireamh fòn	07381 agus 07125
Duilleag oifigeil	A' Chomhairle

Eachdraidh

Thathar air fuighealan a lorg a sheallas gu robh daoine a' fuireach san àite seo ri Linn na Cloiche mar-thà. B' e treubhan Gearmailteach air an robh na h-Alamanii a thug seilbh air an àite ri linn nan Ròmanach ach chaidh caisteal a thogail an seo mu 1025, ris an canadh Hohenurach. Chaidh am baile a thoirt a-steach do Dhiùcachd Württemberg mu 1260.^[3] Bha e na prìomh-bhaile na Dhiùcachd eadar 1442 agus 1482. Chaochail an sgrìobhadair Nikodemus Frischlin an seo ann an 1590.^[4] Chaidh ainm a' bhaile-spatha seo atharrachadh bho Urach gu Bad Urach ann an 1983.

Bailtean co-cheangailte

• Enying^[5]