Ailig Salmond
From Wikipedia, the free encyclopedia
B' e neach poileataigs a bha ann an Ailig Salmond (31 an Dùbhlachd 1954–12 an Dàmhair 2024) (Beurla: Alex Salmond).
Bha e 'na Phrìomh-Mhinistear ann an Riaghaltas na h-Alba, bhon Chèitein 2007 gu ruige 19 an t-Samhain 2014.
Beatha
Rugadh agus thogadh e ann an Gleann Iucha agus bha e na oileanach aig Oilthigh Chill Rìmhinn far an do dh'ionnsaich e eaconomachd agus eachdraidh meadhan-aoiseil. An dèidh an oilthigh dh'obair e mar eaconomaiche ann an seirbheis chatharra agus airson Banca Rìoghail na h-Alba. Ghabh e mar bhall ann am Pàrtaidh Nàiseanta na h-Alba nuair a bha e na oileanach.
Ann an 1987 chaidh e a thaghadh mar Bhall Pàrlamaid airson Banbh agus Buchan. Chaidh e na cheannard air an SNP ann an 1990. Chaidh a thaghadh mar Bhall Pàrlamaid na h-Alba ann an 1999 agus leig e dheth ceannardas an SNP ann an 2000. Thill e air ais gu ceannardas ann an 2004. Ann an 2007 B' e an SNP am pàrtaidh a bu mhotha ann am Pàrlamaid na h-Alba agus dh'ainmicheadh e mar Phrìomh-Mhinistear. An dèidh don SNP an taghadh 2011 a bhuannachadh, dh'eagraich Riaghaltas na h-Alba reifreann air neo-eisimeileachd. Às déidh dhan bhòt san reifreann a dhol ’na aghaidh, thuirt e gum biodh e a' leigeil dheth a dhreuchd mar cheannard a' Phàrtaidh Nàiseanta san t-Samhain, agus às déidh sin a dhreuchd mar Phrìomh-Mhinistear na h-Alba.
Bha e 'na Bhall Pàrlamaid airson Gòrdan eadar 2015 agus 2017.[1] Mar BhPA riochdaich e Siorrachd Obar Dheathain an Ear agus Gòrdan.
Chaidh Ailig Salmond na cheannard am Pàrtaidh Alba ann an 2021.[2]
Phòs e Moira McGlashan, àrd-sheirbheiseach catharra, ann an 1981. Chaochail e ann am Masadoinia a Tuath ann an 2024 an dèidh do òraid a thoirt aig co-labhairt eadar-nàiseanta.[3]
Connspaid is casaidean
Chaidh a shaoradh bho 13 casaidean drabastachd ann an 2020 ach tha eòlaichean air rabhadh gun robh "buaidh fhuarail" air mnathan a dh'fhulaing sàrachadh.[4]
Ceanglaichean a-mach
- BBC Naidheachdan: Sùil air: Ailig Salmond
- BBC Naidheachdan: Salmond a’ falbh an dèidh bhòt an aghaidh neo-eisimeileachd, 2014-09-22
- BBC Naidheachdan: Mar a chaidh gabhail ri brath Mhgr Salmond, 2014-09-22
- They Work for You (Beurla)
- “Parliamentary career for Alex Salmond - MPs and Lords”. Pàrlamaid Westminster. Air a thogail 14mh dhen Dàmhair 2024.
- “Alex Salmond”. Pàrlamaid na h-Alba. Air a thogail 14mh dhen Dàmhair 2024.
- MacNèill, Mìcheal: “Ailig Salmond: choilion e rudan "do-dhèante"”, Naidheachdan a' BhBC. 13mh dhen Dàmhair 2024. Air a thogail 14mh dhen Dàmhair 2024.
- “"Fuamhaire" Salmond air caochladh”, Naidheachdan a' BhBC. 13mh dhen Dàmhair 2024. Air a thogail 14mh dhen Dàmhair 2024.
- “A' cuimhneachadh air Ailig Salmond”, Naidheachdan a' BhBC. 13mh dhen Dàmhair 2024. Air a thogail 14mh dhen Dàmhair 2024.
- “Ailig Salmond 1954-2024”, Naidheachdan a' BhBC. 13mh dhen Dàmhair 2024. Air a thogail 14mh dhen Dàmhair 2024.
- “Dust Ailig Salmond air tilleadh a dh'Alba”, Naidheachdan a' BhBC. 18mh dhen Dàmhair 2024. Air a thogail 29mh dhen Dàmhair 2024.
- “Bheir tìodhlacadh Ailig Salmond "urram mar bu chòir dha"”, Naidheachdan a' BhBC. 29mh dhen Dàmhair 2024. Air a thogail 29mh dhen Dàmhair 2024.
Iomraidhean
Wikiwand - on
Seamless Wikipedia browsing. On steroids.