's-Hertogenbosch

‘S e baile meadhanach agus coimhearsnachd faisg air Tilburg, ann an ceann a deas Na Tìrean Ìsle a th' ann an 's-Hertogenbosch (sɛrtoːɣə(m)ˈbɔs, ainm goirid: Den Bosch). Tha e suidhichte ri taobh na h-Aibhne Aa, 7m os cionn ìre na mara,^[1] anns an roinn Brabant an Tuath (Duitsis: Noord-Brabant), 81km air falbh bho Amsterdam (prìomh-bhaile na dùthcha), 31km bho Eindhoven, 63km bho Rotterdam, 81km bho Den Haag agus 46km bho Utrecht. Chaidh s-Hertogenbosch a chlàradh airson a' chiad turas ann an 1196 agus tha an t-ainm a' ciallachadh Coille an Dùic, bho bosch (coille) agus de hertog (an diùc) (ginideach: (de)s hertogen) . Tha 141,893 duine a' fuireach ann.^[2] 'S e prìomh-bhaile na roinne a th'ann 's-Hertogenbosch.