From Wikipedia, the free encyclopedia
'S e cuairt, siubhal air neo turas a nithear air adhbharan creideimh gu àite sònraichte cràbhach a th' ann an taistealachd air neo taisgealachd.[1] Thathar a' dèanamh thaistealachdan ann an iomadh cultar air feadh an t-saoghail, mar as àbhaist air chois, gu àiteachan cudromach dha na creideamhan a th' aig na luchd-taistealachd. Chithear fianais gun do rinneadh taistealachd gu Stonehenge fiù 's 2,400 ro Iosa Chrìost. Tha luchd-rannsachaidh dhen bheachd gur e tachartas gu ìre coitcheann ann an daonn-eòlas nan creideamhan a th' innte. 'S e gun tachair an neach-taisealachd ris a' bhith os-nàdarra ann an àite ceart far a ghabh e pàirt ann am fìorachd nach eil mì-naomha, mar am beatha làitheil. Daonnan bheir an taistealachd mòran airgid - agus leasachadh - do thurasachd anns na sgìrean far an tèid luchd-taisealachd.[2] Cha biodh port-adhair eadar-nàiseanta ann am Pau nach Lourdes faisg air làimh. Anns an sgìre mu timcheall air A' Mhuir Mheadhan-thìreach, tha ceithir cultaran mòra na cruinne ann, a tha ceangailte ri Crìosdaidheachd (Caitligich agus Ortadogsaich), Iùdhachd agus Ioslam. 'S iad seo a tha air a' toirt buaidh mhòr air an sgìre a thaobh thurasachd. Ann an 2013, sheall rannsachadh gu deach mu 130 muillean duine air taistealachd, 70% dhiubh nan Crìostaidhean (90 muillean), agus an 30% a tha air fhàgail a tha nam Muslamaich, nam Budaich agus nan Hionduthach.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
