Sgìre Timrå

'S e baile (Suainis: tätort) agus sgìre-riaghlaidh (Suainis: kommun) faisg air Härnösand, ann an ceann a tuath na Suaine, a th' ann an Timrå. The suidhichte anns an roinn Västernorrlands län, 293km air falbh bho Uppsala, 804km bho Mhalmö agus 353km bho Stockholm, prìomh-bhaile na dùthcha.^[1] Chaidh Timrå a chlàradh airson a' chiad turais anns an 14mh Linn mar Timmeradh agus tha 17,895 duine a’ fuireach ann.^[2]

Timrå


	Gearradh-arm no Seula

Suidheachadh

Dùthaich

An t-Suain

Ceàrn

Jämtland

Sgìre

Västernorrlands län

Co-chomharran

60° 30 00' Tuath
17° 20 00' Iar

Feartan fiosaigeach

Farsaingeachd

783.26 km²

Àireamh-shluaigh

17,895 (2016)

Dlùths

22.85/km²

Àireamh fòn

+ 46 060

Duilleag oifigeil

http://www.timra.se/

Freumhan an Ainm

Tha e coltach gur ann à timmer (fiodhrach) agus am facal rå (boglach) air neo bygd (dùthchail) a tha an t-ainm.^[3] Bheireadh sin Boglach an Fhiodhraich no Talamh an Fhiodhraich dhuinn sa Ghàidhlig an latha an-diugh. 'S e co-dhàimh leis a' Bheurla timber agus Innis Tìlis timbur a th' ann timmer agus 's e co-dhàimh leis a' Bheurla raw a th' ann rå.

Eachdraidh

Chaidh eaglais a thogail an seo san 14mh Linn. Thogadh obair-iarainn faisg air a' bhaile aig Lögdö bruk anns an 17mh Linn - a tha na thaigh-tasgaidh a-nis.^[4] Bha Timrå Kommun mar a tha e an latha an-diugh air a' chruthachadh ann an 1971 nuair a thàinig Timrå köping agus Hässjö landskommun ri chèile.^[5]