Cleachdaiche:Sionnach/Aisgerbheinn

'S e beinn anns na h-Eileanan Siar, Alba a th' ann an Aisgerbheinn.

Sionnach/Aisgerbheinn
Aisgerbheinn leis a' chuaraidh
Àirde (m)	126
Àirde (tr)	413
Àirde rinneach (m)	85
Màthair-mhullaich	Stulabhal
Suidheachadh
Sionnach/Aisgerbheinn (Alba)
Suidheachadh	Uibhist a Deas
Mapa cumadh-tìre	OS Landranger (22) OS Explorer (453S)
Comharradh-clèithe	NF753237

Suidheachadh

Tha e suidhichte ann an Uibhist a Deas faisg air a' bhaile Aisgernis agus ear air an rathaid A865 eadar Loch nam Madadh agus Loch Baghasdail. Tha Aisgerbheinn 126m (413 troigh) de dh'àirde.^[1] Chan eil air a mullach ach àite feurach le beagan gneiss an siud is an seo, gun dad sònraichte a' comharrachadh a' phuing as àirde.^[1] Bho mhullach Aisgerbheinn gheibhear deagh shealladh air a' mhachair agus thairis air a' mhuir gu Barraigh. A rèir an "Database of British and Irish hills" rinneadh an t-ath-sgrùdadh mu dheireadh air àirde na beinne air 20 am Faoilleach 2012.^[2] Tha an àirde rinneach de 85m a' sgaradh Aisgerbheinn bho na beanntan eile agus 's e Stulabhal a mhàthair-mhullaich.

Air sliabh an iar Aisgerbheinn tha cuaraidh ann a tha aig MacAulay Askernish Ltd.^[3] Tha an cuaraidh clàraichte leis a' Choimisean Rìoghail air Carraighean Àrsaidh is Eachdraidheil na h-Alba cuideachd.^[4]

Ann an 1982/83 rinneadh pròiseact rannsachaidh mu chumhachd na gaoithe air agus timcheall air Aisgerbheinn. Air sgàth sin chaidh barrachd na 50 crann a thogail air a bheinn airson tomhas na gaoithe.^[5] An-diugh tha slighe ann bho Aisgernis gu crann air sliabh a deas na beinne, ach chan eil an t-slighe a' leantainn gu mullach na beinne.

Iomraidhean

1. Hill Bagging Air a thogail 11 an t-Ògmhios 2016 (Beurla)
2. "Database of British and Irish Hills". Làrach-lìn. Retrieved 8 an Lùnastal 2014 (Beurla). {{cite web}}: Check date values in: |accessdate= (help)
3. “MacAulay Askernish Ltd” (Beurla). Air a thogail 18mh dhen Ògmhios 2016.
4. “Canmore ID 277201” (Beurla). An Coimisean Rìoghail air Carraighean Àrsaidh is Eachdraidheil na h-Alba. Air a thogail 19mh dhen Ògmhios 2016.
5. Taylor, P. A. ⁊ H. W. Teunissen (April 1987): “The Askervein Hill project: Overview and background data,” (Beurla), ann an: Springer (Foills.): Boundary-Layer Meteorology, àir. April 1987, Volume 39, Issue 1, td. 15-39. Air a thogail 18mh dhen Ògmhios 2016.

Dealbhan

• 
  Sealladh bho Aisgerbheinn air Aisgernis
• 
  An t-slighe gu crann faisg air a' mhullach.

Ceanglaichean a-mach

• Dealbhan aig geograph.org
• Gazetteer for Scotland