From Wikipedia, the free encyclopedia
Is fuirseoir, láithreoir teilifíse agus aisteoir Sasanach é Russell Edward Brand (a rugadh in Essex ar an 4 Meitheamh 1974). Níl aon eagla uirthi roimh chonspóid de gach saghas.
Fear mór ban atá ann agus sa bhliain 2023, líomhnaíodh go ndearna Brand ionsaithe gnéis ar roinnt ban, éigniú san áireamh.[1][2] Bhain na cúiseanna le heachtraí a tharla, más fíor, thar roinnt mhaith blianta nuair a bhí Brand i mbarr a réime. Ba sa tréimhse sin, sna 2000idí, a bhíodh Brand le cloisteáil go minic ar raidió, le feiceáil ar an teilifís agus ag aisteoireacht i scannáin.[3]
Sa bhliain 2023/2024, d'éirigh sé ina Chríostaí athbheirthe agus anois tugann sé tacaíocht ghníomhach do dhaoine atá i bhfad amach ar an eite dheis, Donald Trump san áireamh.[4] Tá sé i bhfách go mór leis an lucht comhcheilge.
.jpg)
.jpg)
Bhí a chéad seó grinn mór le rá ag Russell nuair a ghlac sé páirt i gcomórtas grinn, The Hackney Empire New Act of the Year, sa bhliain 2002. Níor bhuaigh sé ach spreag sé suim John Noel, gníomhaire a bhí i láthair ag an ócáid. Bhí a chéad chamchuairt náisiúnta aige i 2006, Shame an t-ainm a bhí air, a bhí bunaithe ar scéalta náireacha a tharla dó. Ó shin tá cur i láthair déanta aige i Little Britain Live agus The Secret Policeman's Ball chomh maith le camchuairt náisiúnta eile i 2007.
Thosaigh Russell a ghairm teilifíse ar MTV ach chaill sé a phost i 2001 toisc gur ghléas sé suas mar Osama bin Laden an lá i ndiaidh 9/11.
Sa bhliain 2002 rinne sé RE:brand ar stáisiún satailíte UK Play, i ngach eagrán rinne sé gníomh sáraithe geise. Sa bhliain 2004 thosaigh sé mar láithreoir ar E4, agus seó darbh ainm Big Brother's Big Mouth. D'fhág sé an clár i 2007 ach ghlac sé páirt i Big Brother Celebrity Hijack i 2008.
Níor éirigh rómhaith le clár eile a bhí aige ar E4 darbh ainm Russell Brand's Got Issues, níor mhair ach sraith amháin. Rinne sé clár grinn ar na boinn darbh ainm Ponderland ar Channel 4 i 2007, tosóidh an dara sraith sa gheimhreadh 2008.
Bhí páirt ag Russell sa dráma coirscéalta The Bill, chomh maith leis an gclár grinn The Abbey i 2007. Bhí a chéad ról mór le rá aige sa scannán Hollywood 2008 Forgetting Sarah Marshall, fuair sé léirmheasanna iontacha dá pháirt agus d'éirigh sé i bhfad níos cáiliúla i Meiriceá. Bhí mionpháirt aige sa scannán Penelope sa bhliain 2007 chomh maith le ról i St. Trinians mar Flash Harry. Bhí ról eile aige sa scannán Bedtime Stories le Adam Sandler.
Thosaigh gairm Russell ar an raidió i 2002 ar Xfm. Ach chaill sé a phost toisc gur léigh sé ábhar pornagrafach ar an aer. In Aibreán 2006 fuair sé post ar BBC 6Music. Bhog sé thall go BBC Radio 2 i mí na Samhna den bhliain chéanna. Mheall an clár 2 milliún éisteoir. Tugadh an bóthar dó sa bhliain 2008.
Fear mór ban atá ann. Bronnadh "Shagger of the Year" air sa bhliain 2006 agus arís in 2007. Bhí Brand pósta le Katy Perry ó 23 Deireadh Fómhair 2010 go dtí Iúil 2012.
Bhí, nó tá, Brand tugtha don hearóin.
Sa bhliain 2023, líomhnaigh na nuachtáin lathaí i Sasana go ndearna Brand ionsaithe gnéis ar roinnt ban, éigniú san áireamh (lena n-áirítear cailín scoile 16 bliana d'aois).[1] Shéan Brand na líomhaintí ar fad a bhí ina choinne. Ach chuir an BBC tús le imscrúdú agus chuir Channel4 cosc láithreach ar a chuid cláir.[2] D'fhógair Póilíní Cathrach Londain go raibh fiosrúcháin seolta ag bleachtairí. Thug Andrew Tate agus Elon Musk, banaithe eile, tacaíocht do Brand.[5]
Cláir
DVDs
|
Scannáin
Dlúthdhioscaí
Leabhair
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
