Rose Heilbron

Ceannródaí ar son na mban i measc abhcóidí agus breithiúna Shasana agus na Breataine Bige ab ea Rose Heilbron (19 Lúnasa 1914 – 8 Nollaig 2005),agus an chéad bhreitheamh mná ina suí sa Sean-Bhábhún (sa bhliain 1972).^[1]

Gray's Inn

Rose Heilbron

Beathaisnéis
Breith	19 Lúnasa 1914 Learpholl, England
Bás	8 Nollaig 2005 91 bliana d'aois Islington, England
Siocair bháis	Bás nádúrtha (Niúmóine)
Faisnéis phearsanta
Scoil a d'fhreastail sé/sí	Ollscoil Learphoill The Belvedere Academy (en)
Gníomhaíocht
Gairm	breitheamh, abhcóide
Ball de	Ósta Gray
Teangacha	Béarla
Gradam a fuarthas (1974)  Dame Commander of the Order of the British Empire (en)

Saol

Rugadh Rose Heilbron i Learpholl ar (19 Lúnasa 1914. Óstánaí Giúdach ab ea a hathair, Max Heilbron.

D'fhreastail sí ar Ollscoil Learphoill, agus ba ea í an chéad bhean a bhain céim sa Dlí amach le céadonóracha, sa bhliain 1935.

Bhí sí mar dhuine den chéad bheirt bhan ar ar glaodh chun an Bharra Laistigh riamh, agus an chéad bhean a bhí ina príomhabhcóide (ar son an chosantóra) i dtriail dúnmharaithe ab ea í.

Old Bailey - An Seanbhábhún

Sa bhliain 1956 a ceapadh ina Cláraitheoir í (an chéad bhean a raibh an post sin aici). Ansin sa bhliain 1957 ceapadh ina Coimisinéir Seisiúin (an chéad bhean arís).

Baineadh garsprioc ríthábhachtach i stair dhlí Shasana amach ar 4 Eanáir 1972 nuair a bhí Heilbron ina suí sa Sean-Bhábhún, an Phríomh-Chúirt Choiriúil le haghaidh Shasana agus na Breataine Bige, an chéad bhreitheamh mná san áit sin riamh. Ceapadh ina breitheamh den Ard-Chúirt dhá bhliain dár gcionn.

Bhí Heilbron ina breitheamh ceannais ar an gCuaird Thuaisceartach ó 1979 go 1982. Chuaigh sí ar scor sa bhliain 1988.

Tagairtí

1. Scoil Dlí, COBÁC. "Rose Heilbron" (ga). Facebook. Dáta rochtana: 2021-01-04.