rapálaí Meiriceánach From Wikipedia, the free encyclopedia
 | Ní mór an t-alt seo a ghlanadh, ionas go mbeidh caighdeán níos fearr ann.
Tar éis duit an t-alt a ghlanadh, is féidir leat an teachtaireacht seo a bhaint de. Féach ar Conas Leathanach a Chur in Eagar agus an Lámhleabhar Stíle le fáil amach faoin dóigh cheart le feabhas a chur ar alt ciclipéide. |
Rugadh Austin Richard Post, leis an ainm stáitse Post Malone, ar an 4 Iúil 1995 i Nua-Eabhrac.[1] Bhí sé ina chónaí ansin lena athair, Rich Post, agus lena leasmháthair, Jodie. Ba é a athair a chuir seánraí éagsúla an cheoil in aithne dó ar dtús. Bhí a athair ina láithreoir raidió ina óige. Tháinig a athair chun bheith ina bhainisteoir ar na ‘Dallas Cowboys’ agus mar gheall air seo bhog sé féin agus a theaghlach go Texas.[2] D’fhorbair Post spéis i seinm an ghiotáir agus dúirt sé gur tháinig a spéis ó imirt an chluiche físeáin, ‘Guitar Hero’.[3] In 2010, ghlac sé páirt i dtriail don bhanna 'Crown the Empire' ach le linn dó a bheith ag seinm bhris teaghráin a ghiotáir agus ní bhfuair sé áit sa bhanna. Bhí spéis agus grá aige i gcónaí don cheol agus bhí sé le feiceáil ag a chéad imeacht ceoil i Los Angeles, California i mí an Mheithimh 2017.
De réir Post roghnaigh sé a ainm stáitse ‘Post Malone’ nuair a bhí sé óg timpeall 14 nó 15 bliana d’aois.[4] Tá ráfla ann gurb é an chúis a roghnaigh sé an t-ainm seo ná tagairt don imreoir cispheile gairmiúil, Karl Malone. Ag 16 bliana d’aois, chruthaigh Post a chéad mheascán darb ainm ‘Young and After them Riches’ agus thaispeáin sé é do chuid dá chomhdhaltaí ina ardscoil. Ar scoil, vótáil a chomhscoláirí air ‘is dóichí a bhainfeadh cáil amach’.
D’fhág sé an coláiste agus bhog sé go Los Angeles, California lena chara fadaimseartha Jason Probst. Le linn dó a bheith in LA chuaigh sé le grúpa ceoil le léiritheoirí agus ealaíontóirí eile agus thaifead sé ceol agus chónaigh sé le chéile.[5] Le linn na tréimhse seo, scríobh agus léirigh Post a chéad amhrán ‘White Iverson’ agus i mí Feabhra 2015 uaslódáil an t-amhrán ar líne ar a chuntas 'SoundCloud' agus i mí Iúil 2015 scaoileadh an físeán ceoil don amhrán.[6]
Laistigh de mhí amháin ón amhrán a scaoileadh, fuair sé milliún amharc ar líne.Ina dhiaidh sin fuair sé aird ó roinnt lipéad taifead agus shínigh sé conradh le ‘Republic Records’ i mí Lúnasa 2015.[7] Mar gheall air seo, thosaigh Post ag obair le go leor réaltaí móra mar Kanye West agus chomhoibrigh sé leis ar a amhrán ‘Fade’ óna albam ‘The Life of Pablo’. Ní fada ina dhiaidh seo, bhuail Post leis an amhránaí agus scríbhneoir amhrán ‘Justin Bieber’ agus chruthaigh siad cairdeas láidir. Mar thoradh ar an gcairdeas seo, ba é Post an gníomh oscailte dá '' Purpose World Tour ''. Bhí a chéad albam darb ainm ‘Stoney’ le scaoileadh i mí Lúnasa 2016 ach níor eisíodh é go dtí Nollaig 2016.
Go luath i mí Feabhra 2017, nocht Post ainm a dhara albam, ‘Beerbongs and Bentleys’ agus bhí sé le scaoileadh i mí na Nollag 2017.[8] Mar sin féin, níor scaoileadh an t-albam go dtí 2018. I mí Mheán Fómhair 2017 d’eisigh sé a chéad singil ón albam darb ainm ‘Rockstar’ agus bhuaic an t-amhrán ag uimhir a haon ar na 100 amhrán is fearr ar ‘Billboard’.[9] In 2017, fuair ‘Rolling Stone’ teideal air mar cheann de na ceoltóirí is mó éilimh sa tír. Níos déanaí sa bhliain, d’eisigh sé an físeán ceoil oifigiúil don amhrán, faoi stiúir ‘Emil Nava’.[10] 20 Feabhra 2018, rinne Post réamhamharc ar a amhrán nua ‘Psycho’ agus scaoil sé é an 23 Feabhra 2018, in éineacht le fógra turais.
I mí Bealtaine 2018, d’fhógair Post pleananna chun a lipéad léiriúcháin féin agus a chuideachta léiriúcháin scannáin a bhunú. An bhliain chéanna sin, bhuaigh sé an t-amhrán is fearr ag na Gradaim Cheoil don amhrán 'Rockstar'. I mí an Mheithimh 2018, dheimhnigh sé go raibh a thríú halbam á scríobh aige agus go raibh sé ag eagrú a fhéile féin, a bhí le bheith ar siúl i Texas. I mí Lúnasa 2018, bhris Post Malone taifead a bhí ag Michael Jackson ar feadh 34 bliana.[11] Chaith ‘Stoney’ 77 seachtain i gcairt barr an albaim le ‘Billboard’ i gcomparáid le 76 seachtain a chaith an t-albam ‘Thriller’. Sa bhliain 2018, d’eisigh sé amhrán nua ‘Sunflower’ a bhí le bheith mar fhuaimrian don scannán ‘Spider-Man: Into the Spider Verse’ Scaoileadh an t-albam is déanaí uaidh ar 6 Meán Fómhair 2019 darb ainm 'Hollywood's Bleeding'.[12] Dhíol an t-albam 489,000 aonad sa chéad seachtain.
Cuireadh síos air mar amhránaí agus scríbhneoir amhrán ildánach agus san am atá caite chuir sé síos ar a chuid ceoil mar cheol gan seánra ar leith. Athraíonn a cheol idir ceol pop, ceol rap, ceol tíre agus rac-cheol.[13] Le linn agallaimh thagair sé do Bob Dylan mar cheann de na inspioráidí dá cheol agus tá tatú ar a lámh aige freisin.
Cuireadh síos air mar 'culture vulture’ ag a lán daoine ar meáin shóisialta.[14] D’fhreagair sé na héilimh seo trína rá gur streachailt é a bheith i d’amhránaí ag an am seo leis an gcáineadh go léir. Tá roinnt tuairimí conspóideacha déanta aige in agallaimh leis na meáin mar shampla éilimh nach dtugann ceol sa lá atá inniu ann aghaidh ar fhadhbanna sa saol nó nach ndéileálann siad leoagus fuair sé cúlslais ón bpobal agus óna lucht leanúna féin. Shéan sé éilimh freisin go raibh sé ar meisce nó ag glacadh drugaí i gcuid de na hagallaimh. I mí an Mhárta 2020, fuair sé cáineadh as diúltú a thaispeántas díolta i Denver a chealú i measc imní méadaithe faoin víreas (Coronavirus).[15] Le seachtainí beaga anuas, áfach, agus d’fhógair sé go gcuirtear an chuid eile dá chamchuairt ar ceal.
Tá sé ina chónaí faoi láthair i Los Angeles, California agus tá teach ilmhilliún dollar aige freisin (teach 13,000 troigh cearnach) i Utah.[16] Goideadh ceann dá shean-tithe i California an 1 Meán Fómhair 2018.[17] Bhí sé i gcaidreamh trí bliana le Ashlen Diaz, a chríochnaigh i mí na Samhna 2018.[18] I 2018, paisinéir ab ea Post ar eitleán, mar gheall ar thalamh ag Aerfort Londain, ach b’éigean dó tuirlingt éigeandála a dhéanamh ag Aerfort Idirnáisiúnta Stewart. Thuirling an t-eitleán go sábháilte 3 uair an chloig ina dhiaidh sin agus chuaigh Post Malone ar líne chun buíochas a ghabháil le daoine as a n-imní. Níos lú ná mí ina dhiaidh sin, bhí sé i dtimpiste gluaisteáin go luath ar maidin. Níor gortaíodh aon duine go dona ach tugadh roinnt daoine chuig an ospidéal chun cóir leighis a chur orthu le haghaidh mionghortuithe.
I mí Mhárta 2020, cuireadh físeán suas ar líne de Post ag titim agus ag iompar go aisteach ar an stáitse le linn ceann dá cheolchoirmeacha.[19] Bhí a lán lucht leanúna ag trácht ar an bhfíseán agus tháinig imní orthu faoina leas agus a shláinte agus bhí imní ar go leor daoine go raibh sé ag glacadh drugaí. Shéan sé gach éileamh agus d’fhreagair a bhainisteoir trína rá nach raibh aon ghá a bheith buartha nach raibh anseo ach cuid dá aisteoireacht le linn a cheolchoirmeacha.[20] Rinne a athair trácht freisin ar a iompar ag rá go raibh sé ceart go leor ach theastaigh uaidh buíochas a ghabháil leis an lucht leanúna as a gcineáltas agus a imní faoi shláinte a mhic.
Tá níos mó ná tatú amháin ag Post ar a chorp, tá sé clúdaithe le tatúnna. Rinne sé féin nó dlúthchairde cuid mhaith acu a dhearadh agus a tharraingt. Bhí an íomhá de ‘PlayBoy Bunny’ ar cheann dá chéad tatúnna. Tá go leor tatúnna aige ar a lámha agus ar na méara chun ionadaíocht a dhéanamh d’ealaíontóirí a spreag é nó a raibh tionchar aige air. Ar a lámh tá siombail de nathair mar aitheantas ar an dara leasú agus tá aghaidh an amhránaí éagtha ‘Lil Peep’ air freisin.[21] Tá roinnt tatún ag Post ar a aghaidh freisin. Ar bharr a mhaoil tá dhá chárta imeartha, aghaidh aoibhinn agus croí.Tá na focail 'Stay Away' scríofa os cionn a shúl deise chomh maith le ‘Always Tired’ faoin dá shúil. Tá ‘Stoney’ scríofa faoi bhun a smig agus é ag tagairt dá chéad albam.
Tá tatú de chuid John F Kennedy ag Post ar a lámh agus chuir sé a thuairim in iúl gurbh é Kennedy an t-aon uachtarán a labhair amach faoin éilliú a tharlaíonn sa rialtas. I mí na Nollag 2016, luaigh sé nár chreid sé go raibh Donald Trump nó Hillary Clinton oiriúnach do ról uachtaránacht na Stát Aontaithe. Chuir sé a thacaíocht in iúl do Bernie Sanders le linn an fheachtais toghcháin. I mí na Samhna 2017, le linn agallaimh le haghaidh ‘Rolling Stone’ léirigh sé nach dtaitníonn an tUachtarán reatha, Donald Trump.[3]San agallamh céanna dúirt sé go bhfuil bailiúchán mór gunnaí aige agus go gceapann sé go bhfuil sé de cheart ag gach saoránach Meiriceánach gunnaí a bheith aige.[3] Le blianta beaga anuas, léiríodh spéis dó i dteoiricí comhcheilge agus creideann sé go bhfuil rudaí ann a tharlaíonn sa saol nach féidir linn a mhíniú. Fiafraíodh de le linn agallaimh cad a chreid sé a bheith ar an bréag is mó agus d’fhreagair sé ‘is é an bréag is mó ná an rialtas a thíre’.
Gradaim Cheoil Mheiriceá (‘American Music Awards’):
Gradaim Pop Ceoil ‘ASCAP’ (‘ASCAP Pop Music Awards’):
Gradaim Cheoil – ‘Billboard’ (‘Billboard Music Awards’):
Gradaim iHeart Raidió (‘iHeart Radio Awards’):
Gradaim ‘Juno’ (‘Juno Awards’):
Gradaim Ceoil Físe ‘MTV’ (‘MTV Video Music Awards’):
Gradaim Pollstar (‘Pollstar Awards’):
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
