ceoltóir Éireannach From Wikipedia, the free encyclopedia
Ceoltóir traidisiúnta mór le rá ba ea Paddy Moloney nó Pádraig Ó Maoldomhnaigh (1 Lúnasa 1938 – 12 Deireadh Fómhair 2021), duine de mhórphearsana cheol traidisiúnta na hÉireann.[1] Leis The Chieftains is mó atá sé luaite, buíon cheoil a thug sé le chéile sna 1970idí.[2] Dúirt Taisce Cheol Dúchais Éireann gur chuir Paddy Moloney go mór leis an gceol traidisiúnta in Éirinn agus gur oidhreacht iontach atá fágtha le huacht aige.[3]
_(cropped).jpg)
.jpg)
  | |
| Ainm sa teanga dhúchais | (ga) Pádraig Ó Maoldomhnaigh |
|---|---|
| Beathaisnéis | |
| Breith | 1 Lúnasa 1938 Baile Átha Cliath, Éire |
| Bás | 12 Deireadh Fómhair 2021 83 bliana d'aois Baile Átha Cliath, Éire |
| Gníomhaíocht | |
| Réimse oibre | Ceol |
| Gairm | léiritheoir ceirníní |
| Tréimhse oibre | 1960 – 2021 |
| Ball de | |
| Seánra | Ceol na hÉireann agus ceol tíre traidisiúnta |
| Teangacha | An Ghaeilge agus Béarla |
| Uirlis | Píb mhála, píoba uilleann agus feadóg stáin |
| Lipéad ceoil | Claddagh Records |
| Teaghlach | |
| Páiste | Aedin Moloney |
Gradam a fuarthas
| |
     | |
B'as Domhnach Cearna i i dtuaisceart chathair Bhaile Átha Cliath é Paddy Moloney.
D'fhoghlaim sé ceol óna mhuintir ar dtús. Ina dhiaidh sin mhúin an píobaire aitheanta Rowsome an phíb uilleann dó. Ocht mbliana d’aois a bhí sé nuair a d’iarr sé ar a mhuintir seit píob de chuid Rowsome a fháil dó.[4]
Bhí Paddy ag seinm le Ceoltóirí Chualann faoi stiúir Sheáin Uí Riada sula ndeachaigh sé leis na Chieftains i 1963. Ba é Paddy Moloney ceann feadhna an ghrúpa aitheanta sin ar feadh beagnach seasca bliain.
Bhain na Chieftains cáil idirnáisiúnta amach faoi stiúir Paddy Moloney. Bronnadh go leor duaiseanna orthu, sé cinn de Grammys ina measc.[2]
Tá breis agus scór albam curtha amach ag The Chieftains agus tá ceol cumadóireachta agus cóiriú le Paddy le cloisteáil ar an uile cheann.
Bhí Paddy Moloney lárnach i bhforbairt an cheoil Ghaelaigh agus é bainteach le bunú Cheirníní Cladaigh, le Garech de Brún, an lipéad ar ar taifeadadh na chéad sé albam de chuid The Chieftains.[5]
I bpáirt le Breandán Breathnach agus Séamus Ennis, bhí Paddy gníomhach i mbunú ‘Na Píobairí Uilleann’ i 1968 agus ba mhór a thionchar ar athbheochan na píbe uilleann.[4]
Fuair Paddy bás tobann ar 11 Deireadh Fómhair 2021 agus in aois a thrí bliana agus ceithre scór. Adhlacadh é i gcathaoir naofa Chaoimhín i nGleann Dá Loch, i gCo Chill Mhantáin.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
