Móilín

Is éard is móilín^[1][2] ann ná an cáithnín is lú a fhaightear go nádúrtha d'aon dúil nó comhdhúil. I gcás cuid de na dúile, is é an t-adamh féin an móilín, mar shampla héiliam (He) is neon (Ne). I gcásanna eile, tá dhá adamh sa mhóilín, mar shamplaí hidrigin (H), nítrigin (N) is ocsaigin (O). Cuirtear an t-eolas seo in iúl tríd an iarfhoscript 2 a scríobh leis an tsiombail, mar seo: H₂, N₂, O₂. Ina lán ábhar eile ar comhdhúile iad, bíonn níos mó ná adaimh dúile amháin greamaithe dá chéile. I móilín uisce, mar shampla, tá dhá adamh hidrigine i dteannta adamh amháin ocsaigine: mar sin, scríobhtar an tsiombail d'uisce mar H₂O. Tá ábhair eile fós ann ina bhfuil na mílte adamh i ngach móilín, mar shampla, próitéiní, carbaihiodráití, DNA is a lán eile.^[3]

Móilíní

Tugtar ceimic mhóilíneach nó fisic mhóilíneach ar na heolaíochtaí a bhaineann leis an ábhar seo, ag brath ar chlaonadh an fhócais.

Tagairtí

1. Niall Ó Dónaill, eag.: “Foclóir Gaeilge-Béarla (Ó Dónaill): móilín” (ga). Teanglann.ie. An Gúm (1977). Dáta rochtana: 2024-05-23.
2. ““móilín” | téarma.ie”. Téarma.ie: An Bunachar Náisiúnta Téarmaíochta don Ghaeilge. An Coiste Téarmaíochta. Dáta rochtana: 2024-05-23.
3. Hussey, Matt (2011). "Móilín". Fréamh an Eolais. Coiscéim. p. 465.

Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.