Dubai

Cathair mhór is ea Dubai in Aontas na nÉimíríochtaí Arabacha. Is é Mohammed Bin Rashid Al Maktoum "rialtóir" Dubai.^[1]

Dubai
دبيّ (ar)
Suíomh
25° 16′ 11″ N, 55° 18′ 34″ E
Stát ceannasach	Aontas na nÉimíríochtaí Arabacha
Éimíríocht in Aontas na nÉimíríochtaí Arabacha	Dubai
Príomhchathair de	Dubai
Daonra
Iomlán	3,331,420 (2020)
• Dlús	95,183.43 hab./km²
Teanga oifigiúil	an Araibis
Tíreolaíocht
Achar dromchla	35 km²
Airde	0 m
Ar theorainn le	Emirate of Sharjah (en)
Sonraí stairiúla
Bunaitheoir(í)	Al Maktoum
Cruthú	9 Meitheamh 1833
Eagraíocht pholaitiúil
• Ceannaire an rialtais	Mohammed bin Rashid Al Maktoum (2006–)
Aitheantóir tuairisciúil
Lonnaithe i gcrios ama	UTC+04:00
Eile
Suíomh gréasáin	dm.gov.ae

1,4 milliún an daonra a bhí ag Éimíríocht Dubai sa bhliain 2006, agus 3.3 milliún in 2020, níos mó ná ceann ar bith eile in Aontas na nÉimíríochtaí Arabacha.^[2]

Mohammed Bin Rashid Al Maktoum, 2021

An Burj Khalifa i lár, 2021

Dubai Mall, an t-ionad shiopadóireachta is mó ar domhan

Eacnamaíocht

Is cathair shaibhir í Dubai. Thosaigh an fás sna 1970idí le peitrilliam agus gás nádúrtha. Tá trádáil, monaraíocht, turasóireacht agus seirbhísí airgeadais níos tábhachtaí anois, áfach.

Foirgnimh

Tá foirgnimh ann a bhriseadh fríd na néalta dá mbeadh néalta ann agus san oíche lasann siad suas mar a bheadh crainn Nollag ann. Tá foirgneamh amháin ann ar a dtugtar Sparkle Towers fiú.^[3][2]

Tá an t-ionad shiopadóireachta is mó ar domhan sa mhórchathair seo, "Dubai Mall". Tá an chathair féin glan, fíorghlan gan oiread agus píosa amháin de bhruscar le feiceáil ó mhaidin go nóin. Déantar an-iarracht an áit a choinneáil chomh glan agus is féidir.^[2]

Tíreolaíocht

Tá an chathair suite ar chósta an Aontais, in aice le Murascaill na Peirse. Clúdaíonn éimiríocht Dubai 4114km². Tá Dubai suite i bhFásach na hAraibe, agus is te an aeráid atá ag an éimiríocht.

fásach, Dubai

Stair

Sa 19ú haois, bhunaigh clann Al Abu Falasa éimiríocht Dubai. Cleithiúnaí Abu Dhabi ab ea Dubai go dtí 1833, nuair a tháinig clann Al Maktoum go Dubai ó Abu Dhabi. Cuid d’Aontas na nÉimíríochtaí Arabacha ab ea Dubai ó 1971 ar aghaidh, nuair a d’fhág a cosantóir, an Ríocht Aontaithe, Murascaill na Peirse.

Féach freisin

• Abu Dhabi

Tagairtí

1. "Mohammed bin Rashid Al Maktoum" (as en) (2024-03-04). Wikipedia.
2. Michelle Nic Pháidín < Meon Eile (4 Márta 2024). "Dubai: airgead as cuimse ach easpa saibhris" (ga-IE). www.meoneile.ie. Dáta rochtana: 2024-03-04.
3. "Sparkle Towers – Sparkle Towers" (en-US). Dáta rochtana: 2024-03-04.