![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/ca/OuchFlintGoodrichShot1941.jpg/640px-OuchFlintGoodrichShot1941.jpg&w=640&q=50)
Pian
From Wikipedia, the free encyclopedia
Mothú gránna a tharlaíonn de bharr an iomarca spreagtha do néarchinn chéadfacha, mar shampla le teas, fuaire, brú, dochar nó gortú don fhíochán. Tá pianbhraiteoirí ar fud dromchla na colainne, agus an-chuid áiteanna taobh istigh den cholainn freisin. Iompraíonn snáithíní néarógacha iniompracha na comharthaí spreagtha chuig néarláir comhfheasa san inchinn, áit a mbraitear an phian.
Tagann déine an bhunspreagtha is fachtóirí síceolaíocha atá in ann peiptídí (einceifiliní is ionoirfiní) a fhuascailt san inchinn is corda an dromlaigh chun an phian a mhaolú, chun déine na péine a bhraitear a chinneadh san áireamh.
Pian a imíonn nuair a leigheastar an galar, is pian ghéar í, cosantach don duine.
Nuair nach n-imíonn an phian le leigheas an ghalair, is pian ainsealach í.
![Thumb image](http://upload.wikimedia.org/wikipedia/commons/thumb/8/82/Schematic_of_cortical_areas_involved_with_pain_processing_and_fMRI_cropped.jpg/640px-Schematic_of_cortical_areas_involved_with_pain_processing_and_fMRI_cropped.jpg)
Uaireanta mothaíonn duine pian áit éigin ar a chraiceann cé go mbíonn an dochar in orgán inmheánach i ndáiríre, cosúil leis na pianta de bharr aingíne chléibh a mhothaíonn an duine ina ghéag chlé. Pian tharchurtha is ea í seo, a tharlaíonn de bhrí go mbíonn an néaróg chéanna ó chorda an dromlaigh ag freastal ar an orgán fabhtach agus an réigiún den chraiceann.[1]