polaiteoir Meiriceánach From Wikipedia, the free encyclopedia
Polaiteoir agus iriseoir Meiriceánach ab ea Harry Stewart New (31 Nollaig 1858 – 9 Bealtaine 1937). Throid sé sa gcogadh Spáinn-Mheiriceánach in 1898, agus ba é Ard-Mháistir Poist na Stát Aontaithe ó 1923 go 1929.
Rugadh Harry Stewart New in Indianapolis, Indiana ar an 31 Nollaig 1858, mac le John C. New agus Melissa (Beeler) New. Bhí a athair ina Chisteoir ar na Stáit Aontaithe agus bhí a uncail, Jeptha D. New, ina ionadaí i dTeach na nIonadaithe. D’fhreastail sé ar Ollscoil Butler sular ghlac sé post leis an Indianapolis Journal, áit a raibh sé ina thuairisceoir, ina eagarthóir, agus ina fhoilsitheoir ó 1878 go 1903. Bhí sé ina sheanadóir i Seanad Stáit Indiana ó 1896 go 1900, agus throid sé sa Chogadh Spáinn-Mheiriceánach mar chaptaen agus mar leasghinearál cúnta ar an 7ú Cór Airm. Bhí sé ina bhall den Choiste Náisiúnta Poblachtach ó 1900 go 1912, agus ina chathaoirleach ó 1907 go 1908. Níos déanaí ina shaol, d'oibrigh sé sa tionscal cairéalachta agus sa tionscal foirgníochta.
D’fhill New ar an bpolaitíocht nuair a toghadh chun Sheanad na Stát Aontaithe é in 1916. Sa bhliain 1922, ba é an chéad seanadóir a bhain leas as an raidió i bhfeachtas toghchánaíochta.[1] Ba stáisiún de chuid Cabhlach na Stát Aontaithe, NOF in Washington, DC, a chraol a óráid, rud a tharraing gearán ó na Daonlathaithe faoi stáisiún rialtais a úsáid ar bhealach claonpháirteach. Mar thoradh air seo, cuireadh cosc ar ghníomhaíochta polaitíochta ar an stáisiún.[2] Chaill New an toghchán in 1922, ach cheap an tUachtarán Warren G. Harding é mar Ard-Mháistir an Phoist in 1923, agus athcheap Calvin Coolidge é in 1925.
Fuair sé bás in Baltimore, Maryland ar an 9 Bealtaine 1937, agus cuireadh i Reilig Crown Hill in Indianapolis é.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.