D. W. Griffith

Stiúrthóir scannán, scríbhneoir agus léiritheoir Meiriceánach ab ea David Wark Griffith (22 Eanáir 1875 – 23 Iúil 1948) a bhí ina cheannródaí ag cruthú teicnící scannánaíochta nua.^[1] Maireann a chlú thar aon ní eile mar gheall ar an dá scannán úd leis The Birth of a Nation (1915) agus Intolerance (1916).^[2] Bhain sé úsáid as modhanna scéalaíochta agus teicnící ceamara a bhí go mór chun tosaigh in The Birth of a Nation. Cuireadh fáilte chomh mór sin sna pictiúrlanna go raibh an scannán lánfhada in uachtar as sin amach. Chomh maith leis sin, chothaigh an scannán conspóid shuntasach ar siúl faoi chiníochas sna Stáit Aontaithe.^[3][4] de bharr an íomhá de ghormaigh agus glóiriú an Ku Klux Klan a bhí le feiceáil sa scannán. Inniu, moltar teicnící radacacha an scannáin go díreach mar a cháintear a fhealsúnacht chiníoch.^[1] Chuir an NAACP baghcat air agus chuaigh cúpla pictiúrlann ina gcíréib nuair a léiríodh é. Rinneadh cinsireacht air i roinnt cathracha, Nua-Eabhrac san áireamh. Rinne Grifffith Intolerance mar fhreagra ar an lochtú go léir.^[1]

D. W. Griffith

(1916)
Beathaisnéis
Breith	(en) David Llewelyn Wark Griffith 22 Eanáir 1875 La Grange, Kentucky, Kentucky
Bás	23 Iúil 1948 73 bliana d'aois Hollywood, California
Siocair bháis	Bás nádúrtha (Rith fola ceirbreach)
Áit adhlactha	Mount Tabor Methodist Church Graveyard (en)
Teanga dhúchais	Béarla
Gníomhaíocht
Réimse oibre	Balbhscannán
Suíomh oibre	Hollywood Stáit Aontaithe Mheiriceá
Gairm	stiúrthóir scannán, eagarthóir scannán, léiritheoir feidhmiúcháin, scríbhneoir scripte, aisteoir, léiritheoir scannáin, stiúrthóir
Tréimhse oibre	1907 –  1931
Teangacha	Béarla
Saothar
Saothar suntasach (1915) The Birth of a Nation (1916) Intolerance (scannán)
Teaghlach
Céile	Linda Arvidson (1906–1936)
Athair	Jacob Wark Griffith
Gradam a fuarthas (1936)  Gradam Oinigh an Acadaimh  réalta ar Hollywood Walk of Fame

D'éirigh le roinnt scannán eile de chuid Griffith níos déanaí freisin, mar shampla Broken Blossoms (1919), Way Down East (1920) agus Orphans of the Storm (1921), ach ba bheag an brabús a bhí le baint astu mar gheall ar na hardchostais a bhain leo. Rinne Griffith isteach is amach le 500 scannán le linn a shaoil. Ba é The Struggle (1931) an ceann deireanach dá chuid.^[2]

Beathaisnéis

Rugadh Griffith i gContae Oldham, Kentucky, agus d'fhás sé aníos ansin agus in Louisville, Kentucky. Fuair a athair bás nuair a bhí D. W. 10 mbliana d'aois agus d'fhág sin an teaghlach beo bocht. Sa bhliain 1907, thug sé aghaidh ar Chathair Nua-Eabhrac. Rinne sé iarracht script scannáin a scríobh sé a dhíol le stiúrthóir. Dhiúltaigh an fear seo dó ach chuir sé Griffith i ról i scannán mar aisteoir.

Fuair Griffith bás in Hollywood, California. Tá sé curtha in Centerfield, i gContae Oldham, Kentucky.

Tagairtí

1. "D.W. Griffith". Encyclopædia Britannica.
2. Tá ort na shonrú' 'teideal = agus' 'url = nuair a úsáideann {{ lua idirlín}}. "". The New York Times.
3. "'The Birth of a Nation': When Hollywood Glorified the KKK | HistoryNet" (en-US).
4. "The Birth of a Nation: a gripping masterpiece … and a stain on history" (en-GB).