Cogadh na Fionlainne (1808-1809)

Is éard a bhí i gceist le Cogadh na Fionlainne ná cogadh a chuir Impireacht na Rúise ar an tSualainn sna blianta 1808-1809 agus a rinne cúige Rúiseach de chríocha thoir na Sualainne, is é sin, den Fhionlainn.^[1]

Oifigeach von Konow agus saighdiúir Bergsten.

Cogadh na Fionlainne

62° N, 23° E
Cineál	coinbhleacht
Cuid de	Cogaí na Rúise agus na Sualainne agus Cogaí Napoléon
Tréimhse	21 Feabhra 1808 - 17 Meán Fómhair 1809
Suíomh	an Fhionlainn, An Fhionlainn
Rannpháirtí	Impireacht na Rúise an tSualainn
Croineolaíocht
17 Meán Fómhair 1809	Conradh Fredrikshamn
21 Lúnasa 1808	Cath Karstula

Cuid de na himeachtaí, Márta - Bealtaine 1808

Cúiseanna

Ba é ba chúis leis an gcogadh ná an conradh síochána a shínigh an Fhrainc agus an Rúis in Tilsit sa bhliain 1807. Rinne an conradh comhghuaillí de chuid na Fraince den Rúis, agus theastaigh ón bhFrainc brú a chur ar an tSualainn, ionas go mbeadh sí sásta páirt a ghlacadh i gCóras na Mór-roinne, is é sin an t-imshuí trádála a bhí i bhfeidhm ag an bhFrainc in aghaidh na Breataine Móire.

Imeachtaí

Roimh an gcogadh, ní raibh an Rúis lena cuid a dhéanamh den Fhionlainn go fóill - ní choinnídís an limistéar ach go sealadach, go dtí go mbeadh an tSualainn sásta dul i gCóras na Mór-roinne. Tháinig na Rúisigh ar athchomhairle go sciobtha i ndiaidh thús an chogaidh, áfach, ó bhí siad barúlach go raibh an Fhionlainn ag bagairt ar Chathair Pheadair, dá bhfanfadh an tSualainn ina seilbh. Bhí siad buartha faoi dhaingean Sveaborg in aice le Heilsincí freisin, ós bunáit láidir a bhí ann a d'fhéadfadh na Sualannaigh a úsáid le haghaidh ionsaithe ar Chathair Pheadair nó ar thailte na Rúise timpeall Mhuir Bhailt.

Iarmhairtí

I ndiaidh an chogaidh, rinneadh Ard-Diúcacht den Fhionlainn - is é sin, fuair an tír stádas féinrialaitheach mar chuid den Rúis. B'éigean do na Sualannaigh an Fhionlainn go léir a ghéilleadh don Rúis.

Féach freisin

• Cath Koljonvirta

Tagairtí

1. "Chronology of battles and events of the Finnish War" (as en) (2020-09-18). Wikipedia.