From Wikipedia, the free encyclopedia
It Santy Yndianereservaat (Ingelsk: Santee Indian Reservation) is it reservaat fan 'e federaal erkende Santy Sû Naasje (Santee Sioux Nation) yn it noardeasten fan 'e Amerikaanske steat Nebraska.
Santy Yndianereservaat Santee Indian Reservation | ||
![]() | ||
De Congregational Church, in nasjonaal monumint. | ||
polityk | ||
haadplak | Niobrara (Nebraska) | |
stamme | ||
lân | ![]() | |
steat | ![]() | |
sifers | ||
ynwenners | 878 (2000) | |
oerflak | 447,8 km² | |
bef.tichth. | 2,0 / km² | |
oar | ||
stifting | 1863 | |
tiidsône | UTC-6 | |
simmertiid | UTC-5 | |
webside | www.santeedakota.org | |
kaart | ||
Yndianereservaten yn 'e steat Nebraska. It Santy Reservaat is werjûn yn read. |
Om persiis te wêzen leit it reservaat yn Knox County, oan 'e súdigge fan 'e rivier de Missoury, dy't dêr de grins mei Súd-Dakota foarmet. Neffens offisjele gegevens fan 'e Amerikaanske folkstelling fan 2000 wennen der doe 878 minsken yn it reservaat, wêrfan't 64,1% Yndianen wiene, en 33,7% blanken. It Santy Reservaat hat in oerflak fan krapoan 450 km². It haadkertier fan 'e stamme is fêstige yn Niobrara, dat feitliken bûten it reservaat leit; it grutste plak ýn it reservaat is it doarp Santee, fuort oan 'e noardgrins.
De namme fan it reservaat, Santy (Santee), is in alternative (no grutdiels ferâldere) beneaming foar de Eastlike Dakota, foar wa't it reservaat bedoeld wie. It waard yn maart 1863 oprjochte troch it Amerikaanske Kongres, al liet de formele erkenning troch de Amerikaanske presidint noch op him wachtsje oant febrewaris 1866.
De grûn waard sa ferdield: 133 km² foar de bou fan wenten (homesteads), 157½ km² foar yndividueel tawiisd weidlân, 4,6 km² foar it agintskip fan it Buro fan Yndiaanske Saken, in skoalle en in missy, en de rest as mienskiplik eigendom fan 'e stamme.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.