Praia is de haadstêd fan Kaapverdje, in ûnôfhinklike eilannekloft yn de Atlantyske Oseaan en leit op it eilân Santiago (Portugeesk: São Tiago). It is de wichtichste en grutte stêd fan it lân en wenje ûngefear 62.000 minsken.
Praia | ||
![]() | ||
Praia fanút de loft besjoen | ||
Polityk | ||
Lân | Kaapverdje | |
Sifers | ||
Ynwennertal | 130.271 (2010) | |
Hichte | 0 m. | |
Oar | ||
Stifting | 1516 | |
Tiidsône | UTC -1 | |
Koördinaten | 14° 55' NB, 23° 31' WL |
Kaapverdje, dat oant 1975 in Portugeeske koloanje wie, leit foar de kust fan West-Afrika besuden de Kanaryske Eilannen.
Praia is foar skippen op wei nei it Heine Easten of Brazylje it bêste plak om foar anker te gean. Dat wie al sûnt de 15e iuw yn Jeropa bekend. Yn 1516 ûntstie der in delsetting dy't stadich útwreide ta in stêd en sûnt 1770 it haadplak fan it eilân waard.
Neffens de Mechelske reizger Jean Francois Michel, dy't yn 1752 de stêd en it eilân wiidweidich beskreau, is de boaiem dêr sânnerich, wylst de rest fan it eilân út slib bestiet.
Monuminten yn de stêd binne Albuquerque Square, it âlde stedhûs, it Presidinsjeel Paleis, dat boud waard op de ein fan de 19e iuw om de Portugeeske gûverneur te hûsfêstigjen, it Museu Etnográfico (etnografysk museum) en it Monumento de Diogo Gomes, neamd nei de Portugeeske seefarder dy't it eilân Santiago yn 1460 ûntdekte.
![]() |
Ofbylden dy't by dit ûnderwerp hearre, binne te finen yn de kategory Praia fan Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.