Paul Reubens

Paul Reubens (berne as: Paul Rubenfeld; Peekskill, 27 augustus 1952 - Los Angeles, 30 july 2023) wie in Amerikaansk akteur, dy't it bekendst wurden is my syn personaazje Pee-wee Herman.

Paul Reubens
akteur
Reubens, 17 maart 2016
persoanlike bysûnderheden
echte namme	Paul Rubenfeld
nasjonaliteit	Amerikaansk
berne	27 augustus 1952
berteplak	Peekskill
stoarn	30 july 2023
stjerplak	Los Angeles
jierren aktyf	1978-2023
offisjele webside
(in) Webside Paul Reubens Paul Reubens yn de IMDb

Libben en wurk

Reubens waard berne yn Peekskill, New York, en groeide op yn in Joadske húshâlding yn Sarasota, Floarida, dêr 't syn âlden, Judy (Rosen) en Milton Rubenfeld, in lampewinkel hiene. Syn mem wie learares. Syn heit wie in autoferkeaper dy 't yn de Twadde Wrâldoarloch foar de Royal Air Force fan Grut-Brittannië en foar de U.S. Army Air Forces flein hie en letter ien fan de oprjochtende piloaten wie dy't de Israelyske loftmacht oprjochte yn de Arabysk-Israelyske oarloch fan 1948. As ortodokse Joad wie er ien fan de fiif Joadske piloaten dy 't mei smokkele gefjochtsfleantugen tsjin de Arabyske striidkrêften fleagen.

Reubens begûn syn karriêre yn it ymprovisaasjeteäter en trede yn de jierren 70 meardere kearen op yn it humoristyske telefyzjespultsje The Gong Show fan Chuck Barris

Reubens as syn alter ego Pee-wee Herman (1988)

Reubens syn prominintste rol wie dy fan syn alter ego Pee-wee Herman, dy 't er begjin jierren 80 betocht hie. Pee-wee Herman wie in fleurige folwoeksen, mar bernlike man dy 't it middelpunt foarme fan ferskate films, teätershows en in telefyzjesearje foar bern. It personaazje droech meastal in te strak griis pak, wite dikke ynstappers en reade flinterstrik. Foaral de film " Pee-wee’s big adventure " betsjutte sawol foar Reubens en regisseur Tim Burton de grutte trochbraak. Nei 1991 spile er de fleurige ûnskuldige Pee-wee Herman yn jierren net mear, fanwegen it negative media-omtinken by Reubens syn arrestaasje yn in pornobioskoop. Letter rekke er nochris op in kweanamme by sedesaken.

Reubens waard nominearre foar in Primetime Emmy Award yn sawol 1989 (foar de art direction fan de telefyzjespecial Christmas at Pee-wee's Playhouse), 1995 (foar syn gastrol as Andrew J. Lansing III yn de komedysearje Murphy Brown) as 2011 (as meiprodusint fan de komeedzjeshow The Pee-wee Herman Show on Broadway). Hy wûn echt yn sawol 1988 as 1991 in Daytime Emmy Award, allebeide foar Pee-wee's Playhouse. Reubens krige yn 1988 in stjer op de Hollywood Walk of Fame.

Reubens ferstoar op 30 july 2023 yn it Cedars-Sinai Medical Center yn Los Angeles oan de gefolgen fan kanker, in sykte dêr 't er al seis jier mei oanhelle wie.

Filmografy

*Sûnder 10+ telefyzjefilms

• Tom and Jerry's Giant Adventure (2013, stim)
• The Smurfs 2 (2013, stim)
• The Smurfs (2011, stim)
• Life During Wartime (2009)
• Reno 911!: Miami (2007)
• The Tripper (2006)
• Teacher's Pet (2004, stim)
• Blow (2001)
• South of Heaven, West of Hell (2000)
• Mystery Men (1999)
• Dr. Dolittle (1998, stem)
• Beauty and the Beast: The Enchanted Christmas (1997, stim)
• Buddy (1997)
• Matilda (1996)
• Dunston Checks In (1996)
• The Nightmare Before Christmas (1993, stim)
• Buffy the Vampire Slayer (1992)
• Batman Returns (1992)
• Moonwalker (1988, stim, as Pee-wee Herman)
• Big Top Pee-wee (1988, as Pee-wee Herman)
• Back to the Beach (1987, as Pee-wee Herman)
• Flight of the Navigator (1986, stim)
• Pee-wee's Big Adventure (1985, as Pee-wee Herman)
• Meatballs Part II (1984)
• Pandemonium (1982)
• Dream On! (1981)
• Nice Dreams (1981)
• Pray TV (1980)
• Cheech and Chong's Next Movie (1980, as Pee-wee Herman)
• The Blues Brothers (1980)
• Midnight Madness (1980)

Telefyzjerigen

*Eksklusyf optredens foar ien kear

• TRON: Uprising - stim Pavel (2012-2013, sân ôfleveringen)
• Batman: The Brave and the Bold - stim Bat-Mite (2009-2011, fjouwer ôfleveringen)
• Saturday Night Live - Pee-wee Herman (1985-2011, twa ôfleveringen)
• Chowder - stim Reuben (2007-2009, trije ôfleveringen)
• Pushing Daisies - Oscar Vibenius (2007, twa ôfleveringen)
• Dirt - Chuck Lafoon (2007, trije ôfleveringen)
• Murphy Brown - Andrew J. Lansing III (1995-1997, seis ôfleveringen)
• Pee-wee's Playhouse - Pee-wee Herman (1986-1990, 45 ôfleveringen)
• Faerie Tale Theatre - Ferskate rollen (1984-1985, twa ôfleveringen)
• Working Stiffs - Heimlich (1979, twa ôfleveringen)

Boarnen, noaten en referinsjes