From Wikipedia, the free encyclopedia
Jerevan (Armeensk: Երեվան of Երևան) is de haadstêd fan Armeenje. Faak wurdt de namme ek skreaun as Erevan, yn earder tiden ek Erivan en Erebuny neamd. Mei sa'n 1,09 miljoen ynwenners is Jerevan de grutste stêd fan Armeenje. De stêd leit oan de rivier de Hrazdan.
| Jerevan Երևան | ||
 | ||
| Jerevan yn 'e winter mei de beide Ararats op 'e eftergrûn | ||
| Bestjoer | ||
| Lân | Armeenje | |
| Sifers | ||
| Ynwennertal | 1.117.800 (2010) | |
| Oerflak | 227 km² | |
| Befolkingsticht. | 5.000 / km² | |
| Stêdekloft | 1.245.700 | |
| Hichte | 989 m | |
| Oar | ||
| Stifting | 782 f.Kr. | |
| Tiidsône | GMT+4 (UTC+4) | |
| Simmertiid | GMT+5 (UTC+5) | |
| Offisjele webside | ||
| (in) www.yerevan.am | ||
Jerevan is ien fan de âldste stêden op ierde. Archeologysk bewiis toant nammentlik oan dat op it stee fan it hjoeddeiske Jerevan al yn 782 f.Kr. in militêre fersterking troch kening Argistis I boud wurden is. Dy fersterking moast oanfallen fan barbaren út it noarden fan de Kaukasus tsjinhâlde. Letter wie Jerevan fan strategysk belang as in krúspunt fan karevaanrûtes tusken Jeropa en Aazje. De namme Jerevan waard yn de 7e iuw brûkt as de haadstêd fan Armeenje ûnder Persysk gesach. Ek Azerbeidzjan en de Ottomanen hawwe, lykas de Romeinen de stêd binnen harren lânsgrinzen hân. Yn 1827 wurdt Jerevan Russysk grûngebiet. Fan 1917 oant 1920 hat de stêd de funksje fan haadstêd fan in ûnôfhinklik Armeenje, dochs it lân wurdt opslokt troch de Sowjetuny en Jerevan wurdt de haadstêd fan de Sosjalistyke Republyk Armeenje, ien fan de 15 republiken fan de USSR. Yn 1991, nei it útienfallen fan de Sowjetuny, wurdt Jerevan wer haadstêd fan in frij Armeenje.
De jierren njoggentich fan de foarige iuw hawwe net folle rêst yn Jerevan brocht. Ien fan de ynsidinten: yn oktober 1999 wurde yn it Armeenske parlemint de foarste minister Vazgen Sarkissian, de foarsitter Karen Demirtsjan en seis oaren fermoarde, sa'n 50 ôffurdigen wurde in nacht as gizelers fêsthâlden. De dieders jouwe harren de oare moarns oer, wurde ôffierd nei in finzenis en fan harren wurdt nea wer wat fernaam.
Fan de hiele stêd út kin men de Grutte Ararat en de Lytse Ararat lizzen sjen. Hoewol't dizze bergen, dêr't neffens de Bibelske oerlevering Noäch mei syn ark tsjinoan fart is, nasjonale symboalen foar Armeenje binne, lizze hja tsjintwurdich yn it Turkske territoarium. De measte gebouwen yn de stêd binne oplutsen út reade dowestien.
,_Yerevan.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
