Holoseen

It Holoseen, eartiids ek Alluvium neamd, is de namme fan it geologyske tiidrek fan 11.000 jier lyn oant en mei no. It wurd Holoseen komt fan it Gryksk: holos betsjut "kompleet" en ceno betsjut "nei".

Erateem	Systeem	Searje	Etage	Gronosône	Tiid lyn (jier)1
Senozoïkum	Kwartêr	Holoseen		Subatlantikum	0 - 2.400
				Subboreaal	2.400 - 5.660
				Atlantikum	5.660 - 9.220
				Boreaal	9.220 - 10.640
				Preboreaal	10.640 - 11.560
		Pleistoseen	Weichselyn	Jonge Dryas	11.560 - 12.700

It Holoseen is relatyf sjoen in waarm tiidrek, benammen fergelike mei it eardere kâlde tiidrek oan de ein fan it Pleistoseen. Dizze kâlde perioade hiet Weichselyn en foarmet in glasiaal.

Yn it Holoseen is it Nederlânske lânskip sa goed as foarme. De Noardsee ûntstie mei yn de kuststripe de dunen, de sompige feangebieten fan Hollân en Fryslân en it seeklaailânskip fan Noard-Nederlân.

It Holoseen foarmet tegearre mei it dêroan foarôfgeande Pleistoseen it Kwartêr.

Minsken

De Alde Stientiid einiget offisjeel mei de ein fan it Pleistoseen. Yn de skiednis fan de minsk yn Jeropa is it de perioade fan de middenstientiid- en jonge stientiid, de brûnstiid en de izertiid, wêrnei de skreaune skiednis begjint.

Sjoch ek

• Senozoïkum
• Geologyske tiidrekken

Boarnen

• T, Brauer, A., Goslar, T., Merkt, J., Balaga, K., Müller, H., Ralska-Jasiewiczowa, M., Stebich, M, & Jegendank, J.F.W. - 2001: Correlation and synchronisation of Lateglacial continental sequences in northern central Europe based on annually laminated lacustrine sediments, in Quarternary Science Reviews, 20: 11, side 1233-1249, Oxford, Elsevier