Generaal-majoar

In generaal-majoar (mt.: generaals-majoar) is in opperofsier fan hege rang yn 'e nasjonale kriichsmacht fan in soad lannen. Dizze rang komt foar by de lânmacht, de loftmacht, de maresjesee en de mariniers; de ekwivalinte rang by de marine is skout-by-nacht. Guon lannen, wêrûnder Grut-Brittanje en ferskate oare lidsteaten fan it Britske Mienebest, hawwe foar generaal-majoar by de loftmacht ynstee de rang fise-loftmaarskalk (air vice-marshal). De oansprektitel fan in generaal-majoar is "generaal".

De rang boppe generaal-majoar is luitenant-generaal, en dy derûnder is brigadegeneraal. Yn 'e legers fan lannen dy't de rang fan brigadegeneraal net kenne, wêrûnder in grut diel fan East-Jeropa, is generaal-majoar de leechste opperofsiersrang, en is de rang derûnder dy fan kolonel. In generaal-majoar fiert it befel oer in difyzje, en sadwaande wurdt dizze rang soms difyzjegeneraal neamd. De namme 'generaal-majoar' is ôflaat fan 'e ferâldere rang sersjant-majoar-generaal, dy't yn Nederlân oant yn 'e santjinde iuw bestie.

Skematysk oersjoch

Oersjoch fan 'e generaal-majoarsrangen mei ekwivalinten yn oare kriichsmachtûnderdielen:

lânmacht en mariniers	marine	loftmacht
generaal-majoar	skout-by-nacht	generaal-majoar of fise-loftmaarskalk

Yn 'e Nederlânske kriichsmacht

(oansprektitels kursyf werjûn)

Keninklike Lânmacht (KL)		Keninklike Marine (KM)		Keninklike Loftmacht (KLu)		Keninklike Maresjesee (KMar)
NATO rang OF-7
	generaal-majoar generaal		skout-by-nacht skout-by-nacht (by it Korps Mariniers: generaal-majoar)		generaal-majoar Generaal		generaal-majoar Generaal

Sjoch ek

• militêre rang
• ofsier
• opperofsier
• list fan militêre rangen fan de Nederlânske kriichsmacht

Boarnen, noaten en referinsjes