Douwe Hermans Kiestra (Poppenwier, 4 desimber 1899 - Raard, 3 juny 1970) wie in Frysk boer, skriuwer, dichter en politikus.
| Douwe Kiestra | ||
 skriuwer | ||
| persoanlike bysûnderheden | ||
| echte namme | Douwe Hermans Kiestra | |
| nasjonaliteit |  Nederlânsk | |
| berne | 4 desimber 1899 | |
| berteplak | Poppenwier | |
| stoarn | 3 juny 1970 | |
| stjerplak | Raard | |
| etnisiteit |  Frysk | |
| wurk | ||
| taal | Frysk | |
| sjenre | Poëzy, proaza | |
| bekendste wurk(en) | De froulju fan de fetweider, | |
Hy wie de soan fan Hermanus Kiestra, feehâlder, en Trijntje Hornstra. Hy gie nei de Rykslânbouwinterskoalles en gie dêrnei oan 't wurk op syn heite pleats. Hy troude op 25 maaie 1925 mei Aaltsje Hannema. Se krigen twa soannen en ien dochter. Hy waard dêrnei pachter op in feehâlderij yn Poppenwier. Yn 1938 ferhuze de hûshâlding nei in pachtpleats yn Eagmaryp, mar al yn 1941 gie er werom nei syn bertestreek. Dêr pachte er in buorkerij ûnder Tersoal. As lêste hie er fand 1962-1967 in lytse buorkerij yn Poppenwier.
Om syn aktive pro-Dútske hâlding yn 'e Twadde Wrâldkriich (Hy wie û.o. lid fan 'e NSB en de Nederlânske SS) waard er nei de kriich ta 2 1/2 jier finzenis feroardield. Ek krige hy in publikaasjeferbod oplein foar fiif jier. Dêrom is Sinne op ’e striesek, dêr't er syn ûnderfiningen yn ynternearringskampen beskriuw, ûnder skûlnamme ferskynd.
Nei 1945 waard er al rillegau wer opnaam yn de Fryske literêre wrâld. Hy gie fannijs wer nei tsjerke en publisearre on fertaling fan de Spreuken van Salomo, skreau krystlieten en der ferskynde wurk fan him yn kristlike blêden. Op de ein fan syn libben skreau er in tsjûke roman yn twa dielen oer it Fryske boerelibben: Ien wike útbuorren (diel 1: De Buorskip, diel 2: De Toartels), wêr't er de priis fan de Kristlik Fryske Folksbibleteek krige. Yn it jier fan syn fertsjerren ferskynde in bondel Forhalen.
- Efter it oargel : fersen 1935 :
- Sinne op ’e striesek (ûnder skûlnamme D. van Wieren) 1946
- It jier yn ’t roun (1955)
- De spreuken fan Salomo (1968)
- Blêdswylsel fan it Bolwurk (ûnder skûlnamme Harmen Harsta) (1968)
- Samle fersen (besoarge troch: D.A. Tamminga en T. Hoekema) (1982)
- Skielk beart de hjerst (blomlêzing fan syn fersen, gearstald en besoarge troch Abe de Vries) (2005)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
