From Wikipedia, the free encyclopedia
ClubJenna (eins ClubJenna, Inc.) is in Amerikaanske pornografyske filmstudio dy't fêstige is yn Scottsdale, yn 'e steat Arizona. Hy waard yn 2000 oprjochte troch porno-superstjer Jenna Jameson (echte namme: Jennifer Marie Massoli) en har partner Justin Sterling (Jay Grdina).
| ClubJenna, Inc. | ||
| algemien | ||
| nasjonaliteit |  Amerikaansk | |
| type | privaat | |
| sektor | pornografyske filmstudio | |
| haadkertier | Scottsdale (Arizona) | |
| oprjochte | 2000 | |
| oprjochter | Jenna Jameson Justin Sterling | |
| eigner | Jenna Jameson | |
| offisjele webside | ||
| www.clubjenna.com | ||
Yn 't earstoan wie it ien inkele webside, mar it bedriuw wreide him fluch út en begûn yn 2001 ek eigen pornografyske films te produsearjen. Dêrmei hie ClubJenna grut súkses; ien fan dy films, Briana Loves Jenna (mei yn 'e haadrollen Jenna Jameson en Briana Banks), waard yn 2003 troch it gesachhawwende faktydskrift AVN útroppen ta de bêstferkeapjende en bêstferhierende titel fan 2002. Hjoed de dei bestiet ClubJenna út in filmstudio, in netwurk fan betelwebsiden en in kabeltillefyzjestjoerder dêr't men jin op abbonearje moat om him ûntfange te kinnen.
Yn 2005 brocht ClubJenna jiers $ 30 miljoen binnen, wêrfan't likernôch de helte út skjinne winst bestie. Yn 2006 waard it troch it parseburo Reuters omskreaun as ien it hantsjefol studio's dat de Amerikaanske pornoyndustry dominearret. Datselde jiers waard ClubJenna oernommen troch Playboy Enterprises (de memme-ûndernimming fan û.m. it neakenblêd Playboy), al bleaune Jameson en Sterling wurksum yn bestjoerlike funksjes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
