CN Tower
From Wikipedia, the free encyclopedia
From Wikipedia, the free encyclopedia
De CN Tower is in toer yn Toronto, Kanada.
Nei trije jier bouwen wie de toer yn 1976 klear. De toer waard boud troch de Kanadeeske nasjonale spoardykmaatskappij Canadian National Railway (ôfkoarte CN) om sjen te litten wat de yndustry yn Kanada allegear koe. Yn 1995 waard besletten om CN te privatisearjen en tenei inkeld noch mei frachttreinen te riden. CN ferkocht de toer oan in bedriuw dat steatseigendom yn 't behear hat. De TrizecHahn Corporation hie de toer tusken 1997 en 2004 yn behear en fernijde de toer mei aardichheden foar toeristen. Der kamen twa nije liften en in nij treppehûs yn de toer. Nei de ferkeap is de namme CN Tower bleaun, no stiet de ôfkoarting lykwols foar 'Canada's National Tower'.
De toer is 553 meter grut. Mei de iepening fan de Burj Khalifa op 4 jannewaris 2010 ferlear de CN Tower syn status as heechste bouwurk op ierde. Yn 2003 waard in nije antenne op de Ostankino toer yn Moskou set, dêrtroch soe dy toer heger as de CN Tower wêze, mar de hichte fan de Ostankino toer (557 meter) is net offisjeel fêststeld. Dêrneist binne der noch hegere mêsten, mar dy wurde mei kabels yn balâns holden.
Oars as de measte tuorren is de CN Tower gjin rûne mêst mar hat in heksigonale foarm (Y-foarm). By hurde wyn kin de toer oan de top wol 3 meter hin-en-wer bewege. Der komme sa'n 2 miljoen toeristen yn 't jier. De toer wurdt ek brûkt troch in protte radio en telefyzjestjoerders.
De toer hat trije platfoarmen:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
