From Wikipedia, the free encyclopedia
In kaak, kake of tsjeak, besteande út 'e ûnderkaak en de boppekaak, is in part fan de plasse, en komt yn de biology foar mei in grut ferskaat oan foarmen en maten, likegoed is de funksje meastentiids itselde: it fiedsel bewurkje foardat it yn de spisfertarring bedarret.
Dizze side giet oer it lichemsdiel kaak. Foar oare betsjuttings, sjoch: kaak (betsjuttingsside).Yn de evolúsjebiology is it wol of net hawwen fan tsjeaken fan belang by de yndieling yn diersoarten. Meastepart fan de tsjeaken hat skerpe tosken, rânen of grutte spieren dêr't se krêftich mei bite kinne. Tsjeaken wurde ek wol brûkt ter ferdigening, en der binne guons tige raar ferneamd, bygelyks krokodileftigen, hûnen en skylpodden litte nei in byt net mear los.
De effisjintste tsjeaken hawwe nei alle gedachten de haaien, hoewol't eartiids in protte útstoarne soarten noch gruttere tsjeaken hiene. Net allinnich de enoarme spieren en in protte rigen tosken meitsje yndruk, ek it feit dat de tosken libbenslang hieltyd oanmakke wurde en sadwaande altyd flymskerp binne, meitsje fan haaien beduchte rôfdieren.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
